قازاقستان • 25 ماۋسىم، 2021

330 قازاقستاندىق شەتەلدە وقۋعا مۇمكىندىك الدى

14 رەت كورسەتىلدى

جىل سايىن قازاقستاننىڭ باسقا ەلدەرمەن ۇكىمەتارالىق كەلىسىمدەرى شەڭبەرىندە قازاقستاندىقتارعا شەتەلدىك وقۋ ورىندارىندا باكالاۆريات، ماگيستراتۋرا جانە دوكتورانتۋرا/رەزيدەنتۋرا باعدارلامالارى بويىنشا تەگىن ءبىلىم الۋ مۇمكىندىگى بەرىلەدى، دەپ حابارلايدى Egemen.kz.

2021 جىلى 330 قازاقستاندىق جەتەكشى شەتەلدىك جوعارى وقۋ ورىندارىنا وقۋعا تۇسۋگە ۇسىنىلدى. ونىڭ ىشىندە، ماجارستانعا - 250، قحر-گە – 47، ۋكرايناعا - 10، سلوۆاكياعا - 3، ازىربايجانعا - 8، پولشاعا - 11، ۆەتنامعا - 1. تاجىكستاندا وقۋعا قۇجاتتار ءالى قابىلدانىپ جاتىر.

اڭگىمەلەسۋ قاتاڭ تۇردە رەگلامەنت بويىنشا وتكىزىلدى، ءاربىر ۇمىتكەرگە مىنا تومەندەگىنى انىقتاۋ ءۇشىن ءۇش مىندەتتى سۇراق قويىلدى:
-  ماماندىق تاڭداۋداعى ۋاجدىلىك پەن حاباردارلىق دەڭگەيى;
- تەوريالىق ءبىلىم دەڭگەيى جانە وقۋداعى نەمەسە تاڭداعان ماماندىعى سالاسىنداعى جەتىستىكتەرى;
- ويلاۋ لوگيكاسىنىڭ دەڭگەيى، سويلەۋ ساپاسى، جاعداياتتىق ماسەلەلەردى شەشۋدەگى جەكە قاسيەتتەرى مەن داعدىلارى.

قورىتىندى كونكۋرستىق كوميسسيا ءۇش كريتەريدى باعالاۋ قورىتىندىسى بويىنشا ەڭ جوعارى ورتاشا بالى بار ۇمىتكەرلەردى نەگىزگى جانە رەزەرۆتىك تىزىمگە ەنگىزدى: شەت ءتىلىن ءبىلۋ دەڭگەيى، ءبىلىمى تۋرالى قۇجاتتىڭ ورتاشا بالى جانە اڭگىمەلەسۋ قورىتىندىسى بويىنشا ورتاشا باعا.

ءبىلىم بەرۋ گرانتتارىن تاعايىنداۋ تۋرالى تۇپكىلىكتى شەشىمدى قابىلداۋشى تاراپ قابىلدايدى.

«حالىقارالىق باعدارلامالار ورتالىعى» اق ۇكىمەتارالىق گرانتتاردىڭ اكىمشىسى بولا وتىرىپ، ۇكىمەتارالىق گرانتتاردى تاعايىنداۋعا ارنالعان كونكۋرستىق ىرىكتەۋگە قاتىسۋ ءۇشىن وتىنىمدەردى قولما-قول نەمەسە «e-gov» ەلەكتروندىق ۇكىمەت پورتالىندا ونلاين قابىلدايدى.

سوڭعى جاڭالىقتار

بالالار Ashyq جۇيەسىنە ەنگىزىلە مە؟

قازاقستان • بۇگىن، 19:20

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار