ايماقتار • 25 ماۋسىم، 2021

م.ايتەنوۆ: ينفەكتسيانىڭ قايتا تارالۋىنا جول بەرمەۋىمىز كەرەك

19 رەت كورسەتىلدى

شىمكەنت قالاسىنىڭ سانيتارلىق-ەپيدەميولوگيالىق جاعدايىن پىسىقتاۋ ماقساتىندا قالا اكىمىنىڭ توراعالىعىمەن كەزەكتى شتاب وتىرىسى ءوتتى. الدىمەن الەم ەلدەرىنە شولۋ جاسالىپ، ەلىمىزدىڭ جانە قالانىڭ بۇگىنگى احۋالى تالقىلاندى، دەپ حابارلايدى Egemen.kz.

جيىندا بايانداما جاساعان دەنساۋلىق ساقتاۋ باسقارماسىنىڭ باسشىسى سوڭعى تاۋلىكتە رەسەي مەن اقش-تا كوروناۆيرۋس ينفەكتسياسىن جۇقتىرۋ جايتى تەز ءوسىم العانىن ايتتى. ال، ەلىمىزدە نۇر-سۇلتان قالاسى قىزىل ايماقتا بولسا، الماتى قالاسى مەن وبلىسى قىزىل مەن سارى ايماق شەكاراسىندا تۇر. شىمكەنت سوڭعى اپتادا سارى ايماققا ەندى. وتكەن تاۋلىكتە covid-19 ينفەكتسياسىن جۇقتىرعان 50 جاعداي تىركەلگەن. ونىڭ ىشىندە 17 ادام ينفەكتسيالىق ستاتسيونارعا جاتقىزىلىپ، 33 ادام ءۇي باقىلاۋىنا الىندى.

سونىمەن بىرگە، ءبىر تاۋلىك ىشىندە قالادا 6220 ادام ۆاكتسينا الدى

(I كومپونەنت-3831، II كومپونەنت-2389). ەگۋ ناۋقانى باستالعالى بارلىعى 243 390 ادام ۆاكتسيناتسيالاندى. ونىڭ ىشىندە 143 729 ادام ۆاكتسينانىڭ ەكى كومپونەنتىن العان.

باس دارىگەر قالاداعى ەمحانالار مەن ءدارىحانالاردا ءدارى-دارمەك قورىنىڭ جانە ۆاكتسينانىڭ جەتكىلىكتى ەكەنىن ايتىپ ءوتتى. مونيتورينگتىك توپ كارانتين تالاپتارىن ساقتاۋ بويىنشا كۇندەلىكتى تەكسەرۋ جۇمىستارىن جۇرگىزىپ جاتقاندىعىن، الايدا تويحانالاردا مەرەيتويلاردىڭ توقتاماي جاتقاندىعىن جەتكىزدى.

توراعا اۋدان اكىمدەرىنە تويحانا يەلەرىمەن كەزدەسىپ، ءتۇسىندىرۋ جۇمىستارىن جۇرگىزۋدى تاپسىردى.

«ەلىمىزدە كوروناۆيرۋستىڭ ءۇندى شتاممى انىقتالدى. دەمەك، بوساڭسۋعا بولمايدى. ينفەكتسيانىڭ قايتا تارالۋىن بولدىرماۋ ءۇشىن دايىندىقتى كۇشەيتۋىمىز كەرەك. تۇرعىندارعا ۆاكتسينانىڭ جەتكىلىكتى، بۇگىندە جالعىز ءتيىمدى شەشىم ەكپە سالدىرۋ ەكەنىن دۇرىس ءتۇسىندىرۋ ماڭىزدى. قازىر قالاداعى ۆاكتسينالانۋعا جاتاتىن تۇرعىنداردىڭ 44 پايىزى ەكپە سالدىرعان. وسىنى تولىق كولەمدە جۇزەگە اسىرساق، قايتا قالىپتى ءومىر سالتىنا ورالار ەدىك. مونيتورينگتىك توپتىڭ جۇمىسى كۇشەيتىلسىن. بارشاڭىزدى جاۋاپكەرشىلىكپەن جۇمىس جاساۋعا شاقىرامىن»، دەپ ءسوزىن تۇيىندەدى قالا اكىمى م.ايتەنوۆ.

سوڭعى جاڭالىقتار

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار