ءبىلىم • 25 ماۋسىم، 2021

قىزىلجاردا رەسپۋبليكالىق «ماعجان وقۋلارى» ءوتتى

43 رەت كورسەتىلدى

قىزىلجاردا مەكتەپ وقۋشىلارىنىڭ اراسىندا 2004 جىلدان بەرى ءداستۇرلى تۇردە وتكىزىلىپ كەلە جاتقان «ماعجان وقۋلارى» مارەگە جەتتى. بيىل دا ول رەسپۋبليكا مەكتەپتەرءىنىڭ عىلىمي-شىعارماشىلىق كونكۋرسى تۇرىندە ءوتتى، دەپ حابارلايدى Egemen.kz.

ماعجاننىڭ وتانسۇيگىشتىككە، تۋعان ەل مەن جەرگە دەگەن ماحابباتقا تولى ولمەس شىعارمالارى تاعى ءبىر جاڭعىرىپ، وعان ءبىر شەتى كيەلى ماڭعىستاۋدىڭ، ارمانداي الاتاۋدىڭ، سامال ەسكەن سارىارقانىڭ، جەر ءجانناتى جەتىسۋدىڭ، ارقىراعان اتىراۋدىڭ، قاسيەتتى تۇركىستاننىڭ، التىن انا التايدىڭ، اباي ەلى سەمەيدىڭ جاستارى قاتىسىپ، قىزىلجار توپىراعىن ەكى كۇن بويى دۇبىرلەتتى.

بۇگىن، ياعني 25 ماۋسىمدا تۋعان كۇنى بولاتىن تۇركى دۇنيەسى تۇگەل تانىپ، ونەرى مەن ورىسىنە باس يگەن ماعجاننىڭ تۋعان كۇنى. اتالمىش شارا وسى كۇنگە وراي ۇيىمداستىرىلعان ەكەن. «ارىستانداي ايباتتى» جاستارعا سەنىم ارتقان ارقالى اقىن ءوزىن ءححى عاسىردىڭ جاستارى وسىلاي قۇرمەتتەيتىنىن كورەگەندىلىكپەن ءبىلىپ كەتكەندەي، كونكۋرسقا قاتىسقان جاستار اقىن ولەڭدەرىن ەرەكشە شابىتپەن وقىدى.

بيىلعى كونكۋرس تاۋەلسىزدىكتىڭ 30 جىلدىعىنا جانە قازاق ءتىلىنىڭ مارتەبەسىن ارتتىرۋعا باعىتتالعاندىقتان قاتىسۋشىلار اقىن ولەڭدەرىندەگى ناق وسى ماسەلەلەردىڭ استارىن اقتارىپ، اقىننىڭ ازاماتتىق ۇستانىمىن اشۋعا تىرىستى. سونىمەن بىرگە ماعجاننىڭ سۇلۋ، سىرلى پوەزياسىنىڭ شەبەر ورنەكتەرىن، ەستەتيكالىق تالعامىن جاستاردىڭ بويىنا دارىتۋ ماقساتى دا العا قويىلعان. كونكۋرسقا قاتىسۋشىلار ماعجان ولەڭدەرىن وقۋدان عانا ەمەس، وزدەرىنىڭ ولەڭدەرىن ايتۋدان، زەرتتەۋ جۇمىستارىن ۇسىنۋدان دا جارىستى.  

وبلىستىق ءبىلىم باسقارماسىنىڭ باستىعى گۇلميرا كارىموۆا باستاعان قازىلار القاسىنا ءۇش نوميناتسيا بويىنشا جارىسقا تۇسكەن جاستاردىڭ جەڭىمپازدارىن انىقتاۋ وڭاي بولعان جوق. ءتۇرلى نوميناتسيالار بويىنشا ءبىرىنشى ورىندى اتىراۋلىق باقىت ەلەۋسىنوۆ، نۇر-سۇلتاندىق ءامىرلان ەرزات ۇلى، سولتۇستىك قازاقستاندىق داناگۇل باسىباي يەلەندى. ال وبلىس اكىمى تاعايىنداعان باس جۇلدە اتىراۋلىق نۇراي سەيسەنبايعا بۇيىردى.

كونكۋرسقا قاتىسقاندار اراسىنان ارنايى وكىلدەر قىزىلجارداعى ماعجان ەسكەرتكىشىنە گۇل شوقتارىن قويدى.

سوڭعى جاڭالىقتار

قايراتكەر حايرەتدين

رۋحانيات • بۇگىن، 22:25

استانادا اۋرۋى اسقىنعان ادام كوپ

مەديتسينا • بۇگىن، 22:23

قولاعا كوڭىل تولماي تۇر

TOKYO2020 • بۇگىن، 22:13

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار