عيماراتتا 130 پاتەردىڭ جارتىسىنا جۋىعى قيراعان. توتەنشە جاعداي ورنىنا 80-نەن اسا قۇتقارۋ توبى جىبەرىلدى.
مايامي-دەيد پوليتسياسىنىڭ ديرەكتورى فرەددي راميرەستىڭ ايتۋىنشا, پوليتسيا 53 تۇرعىنمەن بايلانىس ورناتقان, بىراق تاعى 99 ادام ءىز-ءتۇزسىز قالىپ وتىر. اسسوشيەيتەد پرەسس اگەنتتىگى بۇل ايماقتا رەسەيلىك يمميگرانتتار مەن ورتودوكسيالىق ەۆرەيلەردىڭ وتباسى تۇراتىنىن اتاپ ءوتتى. اگەنتتىك حابارىنا قاراعاندا, اپات كەزىندە جوعالعان 99 ادامنىڭ 22-ءسى لاتىن امەريكاسى ەلدەرىنەن.
جەرگىلىكتى باق-تىڭ كەيىنگى مالىمەتى بويىنشا, ءۇش ادام قازا تاۋىپ, كەم دەگەندە توعىز ادام جارالانعان. قازىر 40-قا جۋىق ادام قۇتقارىلعانى بەلگىلى.
مايامي-دەيد وكرۋگىنىڭ مەرى دانيەللا لاۆين كاۆا توتەنشە جاعداي تۋرالى قاۋلىعا قول قويدى, ول قاجەتتى فەدەرالدىق رەسۋرستار الۋعا كومەكتەسەدى. مەر اپات سەبەبىن تەكسەرۋگە ينجەنەرلەر جۇمىلعانىن ايتتى, ازىرشە ءۇي نەگە قۇلاعانى بەلگىسىز.
