ايماقتار • 25 ماۋسىم، 2021

ەلوردا اكىمدىگىندە سىبايلاس جەمقورلىق تاۋەكەلدەرىنە سىرتقى تالداۋ جاسالادى

20 رەت كورسەتىلدى

قر سىبايلاس جەمقورلىققا قارسى ءىس-قيمىل اگەنتتىگىنىڭ باستاماسىمەن نۇر-Cۇلتان قالاسى اكىمدىگىنىڭ، ونىڭ اۋداندىق بولىمشەلەرى مەن ۆەدومستۆولىق باعىنىستى ۇيىمدارىنىڭ قىزمەتىندەگى سىبايلاس جەمقورلىق تاۋەكەلدەرىنە سىرتقى تالداۋ باستالدى. تالداۋ جۇرگىزۋ بارىسىندا ەلوردا اكىمدىگىنىڭ قۇقىقتىق بازاسى مەن ۇيىمداستىرۋ-باسقارۋ قىزمەتىن ەگجەي-تەگجەيلى زەردەلەۋ جوسپارلانۋدا، دەپ حابارلايدى Egemen.kz.

اگەنتتىك توراعاسىنىڭ ءبىرىنشى ورىنباسارى و. بەكتەنوۆتىڭ ايتۋىنشا، بۇگىندە جەرگىلىكتى اتقارۋشى ورگانداردىڭ جەمقورلىق وسالدىعى جوعارى.

«اعىمداعى جىلدىڭ 5 ايىندا عانا سىبايلاس جەمقورلىققا قارسى قىزمەت اكىمدىكتەردىڭ قىزمەتكەرلەرىمەن جاسالعان 92 سىبايلاس جەمقورلىق قۇقىق بۇزۋشىلىقتى تىركەدى، 76 ادام قىلمىستىق جاۋاپكەرشىلىككە تارتىلدى. اشكەرەلەنگەندەردىڭ اراسىندا ءتۇرلى دەڭگەيدەگى 7 اكىم مەن ولاردىڭ ورىنباسارلارى، سونداي – اق، وبلىستىق باسقارمالاردىڭ 14 باسشىسى بار»، دەدى.

ءوز كەزەگىندە، قالا اكىمىنىڭ ورىنباسارى ا. ءامرين اگەنتتىكتىڭ پيلوتتىق نىسانداعى كەشەندى تالداۋ جۇرگىزۋ تۋرالى باستاماسىن ەلوردا اكىمدىگىنىڭ باسشىلىعى قولداعانىن اتاپ ءوتتى. اتالعان تالداۋ مەملەكەت باسشىسىنىڭ سىبايلاس جەمقورلىق فاكتورلارىن انىقتاۋ ماقساتىندا نورماتيۆتىك اكتىلەر مەن جۇمىس پروتسەستەرىنە تالداۋ جۇرگىزۋ قاجەتتىلىگىنە قاتىستى تاپسىرماسىن ورىنداۋ اياسىندا جۇرگىزىلىپ جاتقانىنا باسا نازار اۋداردى.

قالىپتاسقان تاجىريبە بويىنشا سىبايلاس جەمقورلىققا قارسى قىزمەت بارلىق مۇددەلى ۇيىمداردى، ازاماتتىق قوعام ينستيتۋتتارىنىڭ وكىلدەرى مەن بەلسەندى ازاماتتاردى تالداۋعا قاتىسۋعا شاقىرادى.

جەرگىلىكتى اتقارۋشى ورگاننىڭ، ونىڭ اۋداندىق بولىمشەلەرىنىڭ نەمەسە ۆەدومستۆولىق باعىنىستى ۇيىمدارىنىڭ قىزمەتىندەگى ىقتيمال سىبايلاس جەمقورلىق كورىنىستەرى تۋرالى اقپارات بولعان جاعدايدا ەسكەرتۋلەر مەن ۇسىنىستاردى كەلەسى ەلەكتروندىق مەكەنجايعا جىبەرۋگە شاقىرامىز: risk.akimat@antikor.gov.kz.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

ۇقساس جاڭالىقتار