ايماقتار • 24 ماۋسىم، 2021

تالاي «قيىن جۇمباقتىڭ» شەشۋىن تاپقان

376 رەت كورسەتىلدى

تۇرعىنداردىڭ تىنىشتىعى مەن قوعامدىق ءتارتىپتىڭ بۇزىل­ماۋىن قاداعالايتىن پوليتسيادا كوپ جاريالانا بەرمەيتىن قىزمەت­تەر بار. سونىڭ دەنىن قىز-كەلىنشەكتەر اتقارادى. سولار­دىڭ قاتارىنداعى پوليتسيا كاپيتانى ۇلجان ورازاليەۆانى تاجىريبەلى كريميناليست دەۋگە بولادى.

 

ول كريميناليستيكاعا كەز­دەيسوق كەلگەن جوق. بالا كەزدەن پوليتسيا قىزمەتكەرى بولۋدى ار­ماندادى. مەكتەپتىڭ 7-سىنىبىن­دا وقىپ جۇرگەندە تەلەارنا­دان پوگون تاققان قىزدار تۋرالى حا­­­باردى كورىپ، وسى سالاعا قى­زى­­­­عۋشىلىعى وياندى. الايدا اكە-شەشەسى پوليتسيا قىزمەتىنىڭ قىز­­­­دار ءۇشىن قيىن بولاتىنىن ايتىپ، باسقا ماماندىقتى تاڭداۋعا ۇگىت­تەگەن ەكەن.

– بىراق جۇرەك قالاۋىم وسى سالاعا اۋدى دا تۇردى. وسى ماق­ساتىما جەتۋ ءۇشىن 2012 جىلى ىشكى ىستەر مينيسترلىگىنىڭ الماتى اكادەمياسىنا قۇجات تاپسىردىم. اكادەمياعا وقۋعا تۇسكەندە كريميناليست ماماندىعىن تاڭدا­­دىم. بۇل ماماندىقتىڭ وزگەشەلىگى، عى­لىمنىڭ ءارتۇرلى سالاسىن ءبى­لۋ ءۇشىن ۇدايى ىزدەنىسكە تولى جۇ­مىسى قىزىقتىردى. ويتكەنى قىل­مىستى اشۋدا كريميناليست ماڭىزدى ءرول اتقارادى. ول جەدەل-تەرگەۋ توبىندا تەرگەۋشىدەن كەيىنگى ەكىنشى ورىندا تۇرادى. قىلمىس بولعان ورىنعا بارعان كريميناليست ساراپشى الدىمەن كۇدىكتى تۋرالى اقپاراتتاردى جي­ناۋ ءۇشىن ساعاتتار بويى ءار زات­تان ساۋساق، اياقكيىم ىزدەرىن شۇق­شيا ىزدەيدى. ونى تاپپاي تىن­شىمايدى. وقيعا ورنىندا قال­عان ماتا قيىندىسى، تۇيمە، كەز كەلگەن قاعاز قالدىعىن شاشاۋ شىعارماي جيناپ الادى. سو­نىڭ بارىنەن الىنعان ءىزدى داكتي­لوسكوپيالىق پلەنكاعا تۇسىرەدى، – دەيدى اعا كريميناليست ۇلجان ورازاليەۆا.

پوگون تاققان وجەت قىز ىشكى ىستەر ورگانىنداعى ەڭبەك جولىن ماقات اۋداندىق پوليتسيا بو­­لىمىندە كريميناليست بولىپ باس­تادى. اتقاراتىن قىزمەتىنىڭ قىر-سىرىن تالىمگەرى بولعان اعا كريميناليست، پوليتسيا ما­يورى جاسقايرات قالدىباەۆتان ۇي­رەن­دى. قازىر تاجىريبەلى كريمي­نا­­ليستىڭ شاكىرتى بولعانىن ماق­تان تۇتادى.

– ماقات اۋدانىندا 2017 جىلى پاتەر ۇرلىعى بولعان ەدى. جەدەل-تەرگەۋ توبىنىڭ قۇرامىندا وقي­عا ورنىنا مەن دە باردىم. ۇرى تۇسكەن ءۇيدى قاراۋ كەزىندە بىر­نەشە ساۋساق، اياقكيىم ءىزى الىندى. داكتيلوسكوپيالىق ساراپتاما قورىتىندىسىمەن الىنعان ءىز ىشكى ىستەر ورگاندارىندا ەسەپتە تۇراتىن ازاماتتىڭ ىزىنە سايكەس كەلدى، – دەيدى پوليتسيا كاپيتانى ۇلجان ورازاليەۆا. – تەرگەۋ مەن تەكسەرۋدىڭ ناتيجەسىندە كۇ­دىكتىنىڭ قىلمىسقا قاتىسى دا­لەل­دەنىپ، ءىس سوتقا جىبەرىلدى. وسى­لايشا، قىلمىستىڭ ءىزى سۋىماي اشىلۋىنا كريميناليست مامان رەتىندە ءوز ۇلەسىمدى قوسقانىما قۋاندىم.

تاعى بىردە دۇكەندەگى ۇرلىق­تى اشۋعا قاتىستىم. ۇرلىق جا­سال­عان ورىننان كوپ ءىز تابىل­دى. ادەت­تە كوپ ءىز جەدەل تەرگەۋ توبىن تىعىرىققا تىرەيتىنى بەل­گى­­لى. بىراق ءوز ءىسىن جەتىك بى­لە­تىن، تاجىريبەسى تولىسقان كري-­
ء­­مي­­­­نا­ليستىڭ قىراعىلىعى قىل­مىس­قا قا­­تىسى بار كۇدىكتىنى تەز تابۋعا سەپ­تىگىن تيگىزدى.

– كوپ ءىزدىڭ ارقايسىسىن جە­تە زەرتتەۋگە دەن قويدىق. سو­نىڭ اراسىنان ايەلدىڭ كيىم-كە­شەك­­­تەرى مەن وپا-دالاپتارىنان الىن­عان ءىز كۇدىك تۋدىردى. كوپ ۇزا­ماي، ۇرلىق جاساعان كە­لىن­شەك ۇستالدى. كۇدىكتى تەرگەۋ كە­زىندە قىلمىس جاساعانىن مو­يىن­دادى. جالپى، كۇندەلىكتى جۇ­مىس كەزىندە كريميناليستەرگە قىل­مىستى اشۋعا كومەكتەسەتىن «قيىن جۇمباقتاردى» شەشۋگە تۋرا كەلەدى. ونىڭ شەشۋىن تابۋ وڭاي ەمەس. سوندىقتان كريمينا­ليستەر عىلىمداعى سوڭعى جا­ڭا­لىقتارعا دەن قويىپ، ءبىلىمى مەن بىلىگىن ۇدايى جەتىلدىرىپ وتىرادى، – دەپ ماماندىعىنا قاتىستى ويىمەن ءبولىستى پوليتسەي.

ءوز ءىسىن جاۋاپكەرشىلىكپەن ات­قاراتىن اعا كريميناليست بيىلعى جىلدىڭ باسىنان بەرى 200-دەن اسا وقيعا ورنىنا باردى. سول جەر­لەردە 100-دەن استام زەرتتەۋ جۇر­گىزىپ، ونداعان قىلمىستىڭ دەر كەزىندە اشىلۋىنا تىكەلەي ۇلە­سىن قوستى. سونداي-اق بىرنەشە رەت تەرگەۋ ىسىنە بىلىكتى مامان رە­تىندە قاتىستى.

– ىشكى ىستەر ورگانىندا قىز­مەت اتقارعانىما، كريميناليست ما­ماندىعىن تاڭداعانىما ەش وكىنبەيمىن. ويتكەنى كريمينا­ليست – كۇردەلى ءارى ەرەكشە مامان­دىق. قازىر مەندە ءبىر عانا ماقسات بار. بۇل – وبلىستىق پوليتسيا دەپارتامەنتىنىڭ جەدەل كريميناليستيكا باسقارماسى باستىعى­نىڭ ورىنباسارى، پوليتسيا پولكوۆ­ني­گى نيكولاي ميحايلوۆسكي سە­كىل­دى ءوز ءىسىن جەتىك مەڭگەرگەن ىس­كەر ما­مان بولۋ، – دەپ الداعى ماق­ساتىمەن ءبولىستى.

قازىر پوليتسيا كاپيتا­نى ۇل­جان ورازاليەۆا اتى­راۋ قالا­لىق پوليتسيا باسقارما­سىنداعى جەدەل كريميناليستيكا توبىندا اعا ­كريميناليست بولىپ قىزمەت ىس­تەي­­دى. ءاردايىم ىزدەنىمپازدىعى­مەن ەرەك­­شەلەنەتىن ول ارىپتەستەرىنىڭ قۇرمەتىنە بولەنىپ جۇرەدى. ارينە پوليتسيا قىزمەتكەرلەرىندە بوس ۋاقىت كوپ ەمەس. دەگەنمەن، قولى بوساي قالسا، سپورتپەن اينا­لىس­قاندى، كىتاپ وقىعاندى ۇنا­تادى. ال دەمالىسىندا اتا-انا­سىنا كو­مەكتەسىپ، داستارقان ءمازى­رىن دا­يىنداعاندى جاقسى كورەدى.

 

اتىراۋ وبلىسى

 

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار