3 مامىر كۇنى قاراعاندى قالالىق پوليتسيا باسقارماسىنا قاراستى وكتيابر پوليتسيا بولىمىنە 39 جاستاعى قالا تۇرعىنى ارىزبەن شاعىمدانعان. پوليتسيا قىزمەتكەرلەرىنە ول بەلگىسىز ازاماتتان الدانىپ قالعانىن ايتقان. جابىرلەنۋشىگە شۇعىل تۇردە ادۆوكات كەرەك بولىپ, سۇراستىرۋ بارىسىندا شارۋاسىن شەشىپ بەرۋگە كومەكتەسەمىن دەگەن ادۆوكات تاپقان. العاشىندا جابىرلەنۋشىگە كومەكتەسەمىن دەگەن «ادۆوكات» شارۋاسىن شەشۋ ءۇشىن الدىن الا تولەم اقى الىپ, كەيىن ودان قاجەت بولىپ جاتىر دەگەن جەلەۋمەن تاعى دا قوماقتى اقشا العان.
جابىرلەنۋشى باس اياعى وزىنە قاجەتتى ادۆوكاتقا 4 ميلليون 425 مىڭ اقشا بەرگەن. الايدا وسىنشاما قاراجاتتى العان «ادۆوكات» جابىرلەنۋشىنىڭ بىردە-ءبىر شارۋاسىن شەشپەگەن. ارادا ۋاقىت وتكەندە كۇدىك تۋدىرعان ەر ادام مۇلدەم قوڭىراۋعا جاۋاپ بەرمەي حابارسىز كەتكەن. سوندا عانا جابىرلەنۋشى الاياقتىڭ ارباۋىنا تۇسكەنىن سەزىپ, پوليتسياعا شاعىمدانعان.
اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 190-بابىنا سايكەس قىلمىستىق ءىس قوزعالىپ, پوليتسيا قىزمەتكەرلەرى الاياقتى ىزدەۋگە كىرىستى. 23 ماۋسىم كۇنى كريمينالدىق پوليتسيا قىزمەتكەرلەرىمەن جۇرگىزىلگەن جەدەل-ىزدەستىرۋ ءىس-شارالارى بارىسىندا وسى ىسكە قاتىسى بار دەگەن كۇدىكپەن 39 جاستاعى قالا تۇرعىنى ۇستالدى. قازىرگى تاڭدا تەرگەۋ امالدارى جۇرگىزىلۋدە.
