قازىبەك بي اۋدانىنىڭ سانيتارلىق-ەپيدەميولوگيالىق باقىلاۋ باسقارماسى بولىمدەرىنىڭ ءبىرىنىڭ باس ماماندارى سوت الدىندا جاۋاپ بەردى. ولار قر قك 190-بابى 3-تارماعى 2-بولىگى «مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامدار جاساعان الاياقتىق» بويىنشا ايىپتالدى.
تەرگەۋ نۇسقاسى بويىنشا, سوتتالۋشىلار ءسوز بايلاسىپ, پايداكۇنەمدىك نيەتپەن كاسىپكەردى الداپ, اكىمشىلىك قۇقىق بۇزدى دەپ ۇلكەن ايىپپۇلمەن قورقىتىپ, اقشاسىن يەمدەنگەن. سونىمەن قاتار سوتتالۋشىلاردىڭ ەكەۋى اكىمشىلىك جاۋاپكەرشىلىككە تارتۋ مەرزىمىنىڭ اياقتالعانىن بىلە تۇرا, كاسىپكەردى شاتاستىرىپ, اقشاعا «ماسەلەسىن شەشىپ بەرۋگە» ۋادە ەتەدى. ولار كاسىپكەردەن اكىمشىلىك جاۋاپقا تارتىلماعانى ءۇشىن 50 مىڭ تەڭگە سۇراعان.
كاسىپكەر الدىمەن سوتتالۋشىلارعا اقشا اۋدارعان, سودان كەيىن كۇدىكتەنىپ, سىبايلاس جەمقورلىققا قارسى قىزمەتكە جۇگىنگەن. وسىدان سوڭ ولار ۇستالدى.
سوتتالۋشىلاردىڭ ءبىرى كىناسىن تولىق مويىندادى, ال ەكىنشىسى, كەرىسىنشە, ايىپتاۋمەن كەلىسپەيتىنىن ايتتى.
قازىبەك بي اۋداندىق سوتى ءىس بويىنشا جينالعان دالەلدەردى زەردەلەپ, ەر ادامداردى كىنالى دەپ تانىدى, ولار 2 ميلليون تەڭگە ايىپپۇل تولەۋگە مىندەتتەلدى. سونداي-اق سوت ولاردى مەملەكەتتىك قىزمەتتە جۇمىس ىستەۋ قۇقىعىنان ءبىرجولا ايىردى.
