ايماقتار • 24 ماۋسىم، 2021

قازاقستاندا قۇراستىرىلعان تىكۇشاقتار پايدالانۋعا بەرىلدى

22 رەت كورسەتىلدى

الماتى قالاسىندا «№405 اۆياجوندەۋ زاۋىتى» اق اۋماعىندا قازاقستان رەسپۋبليكاسىنىڭ توتەنشە جاعدايلار مينيسترلىگىنە قازاقستاندا قۇراستىرىلعان مي-8امت ەكى تىكۇشاعىن بەرۋ ءراسىمى ءوتتى، دەپ حابارلايدى Egemen.kz.

ءىس-شاراعا توتەنشە جاعدايلار ءبىرىنشى ۆيتسە-ءمينيسترى يبراگيم كۇلشىمباەۆ قاتىستى. ول 2020 جىلعى جەلتوقساندا قازاقستاندا قۇراستىرىلعان مي-8امت العاشقى ەكى تىكۇشاعى دا قازاقستان تجم-ءنىڭ پايدالانۋىنا بەرىلگەنىن اتاپ ءوتتى.

اۋە كەمەلەرى نۇر-سۇلتان، الماتى قالالارىندا ازىرلىكتە تۇر. ولار تۇركىستان وبلىسىنىڭ تاۋلارىنداعى ىزدەستىرۋ-قۇتقارۋ وپەراتسيالارىنا، شۇعىل مەديتسينالىق ەۆاكۋاتسيالاۋعا، ورمان اۆياتسيالىق جۇمىستارىنا جانە ەلىمىزدىڭ اۋماعىنداعى سۋ تاسقىنى قاۋپى بار كەزەڭدە اەروۆيزۋالدى بارلاۋ جۇمىستارىنا جۇمىلدىرىلدى. تجم تىكۇشاقتار پاركىن تولىقتىرۋ «قازاقستان ينجينيرينگ» ۇك» اق، «№ 405 اۆياجوندەۋ زاۋىتى» اق جانە «رەسەي تىكۇشاقتارى» اق اراسىنداعى ۇشجاقتى كەلىسىم اياسىندا ىسكە اسىرىلادى.

تىكۇشاقتار تجم ورىندايتىن مىندەتتەردى ەسكەرە وتىرىپ قالىپتاستىرىلعان. ولار جولاۋشىلار مەن جۇكتەردى تاسىمالداۋعا، ءزىلزالالار مەن تابيعي اپاتتار ايماقتارىنداعى اۆاريالىق-قۇتقارۋ جۇمىستارىنا، ورمانداردى كۇزەتۋگە، ءورت سوندىرۋگە، سونداي-اق حالىققا سانيتاريالىق اۆياتسيا قىزمەتتەرىن كورسەتۋگە بەيىمدەلگەن.

تەحنيكا اۆياتسيالىق قىزمەتتەر مەن جۇمىستاردىڭ كەڭ سپەكترىن ورىنداۋعا ارنالعان. ول  زاماناۋي جابدىقتارمەن، ۇشۋدىڭ پراكتيكالىق اۋقىمىن 2 ەسەگە ارتتىراتىن قوسىمشا وتىن باكتارىمەن جابدىقتالعان.

مي-8امت موديفيكاتسيالانعان اۋە كەمەسىندە ۇشۋلاردى ورىنداۋ ءۇشىن تجم ۇشۋ جانە ينجەنەرلىك-تەحنيكالىق قۇرامىنان 18 ادام (12 ۇشقىش جانە 6 بورت-مەحانيك) ۇلان-ۋدە قالاسىنداعى «بارگۋزين اك» اۆياتسيالىق وقۋ ورتالىعىندا ۇشۋ دايارلىعىنان ءوتتى.

ءىس-شارا سوڭىندا ءبىرىنشى ۆيتسە-ميستر الداعى ۋاقىتتا تج مينيسترلىگىنىڭ ماتەريالدىق-تەحنيكالىق بازاسىن نىعايتۋ بويىنشا جۇمىس جالعاساتىنىن اتاپ ءوتتى. ول تابيعي جانە تەحنوگەندىك سيپاتتاعى توتەنشە جاعدايلار كەزىندە قۇتقارۋ وپەراتسيالارىن جۇرگىزۋدىڭ تيىمدىلىگىن ارتتىرۋعا مۇمكىندىك بەرەدى.

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار