قوعام • 24 ماۋسىم، 2021

بيىل 755 اۋىل اكىمى سايلانادى

29 رەت كورسەتىلدى

وسى جىلدىڭ سوڭىنا دەيىن 755 اۋىل اكىمى سايلانادى. بۇل تۋرالى قر ورتالىق سايلاۋ كوميسسياسى توراعاسىنىڭ ورىنباسارى كونستانتين پەتروۆ ايتتى، دەپ حابارلايدى Egemen.kz.

«وزدەرىڭىز بىلەتىندەي، پرەزيدەنت قاسىم-جومارت توقاەۆ «جاڭا جاعدايداعى قازاقستان: ءىس-قيمىل كەزەڭى» اتتى جولداۋىندا اۋىل اكىمدەرىن تىكەلەي سايلاۋعا كوشۋ تۋرالى تاپسىرا بەرگەن بولاتىن. وسى جىلدىڭ 24 مامىرىندا اۋىلدىق دەڭگەيدەگى اكىمدەردى تىكەلەي سايلاۋ ماسەلەلەرى جونىندەگى زاڭعا قول قويىلدى. بۇل باستاما جەرگىلىكتى ءوزىن وزىباسقارۋ ينستيتۋتتارىن جاپپاي ەنگىزۋ تاجىريبەسى ارقىلى مەملەكەتتىك باسقارۋدى ورتالىقسىزداندىرۋعا قاتىستى نەگىزگى ساياسي رەفورمالار توپتاماسىن بىرتىندەپ جۇزەگە اسىرۋعا باعىتتالعان»، دەدى ول وسك وتىرىسى بارىسىندا.

كونستانتين پەتروۆتىڭ دەرەگىنشە، ەلىمىزدە 2 346 اۋىل اكىمى بار. ولار جاڭا نورما ەنگىزىلگەننەن كەيىن وكىلەتتىك مەرزىمدەرى اياقتالعان سوڭ تىكەلەي داۋىس بەرۋ ارقىلى سايلاناتىن بولادى.

«وسى جىلدىڭ سوڭىنا دەيىن اتالعان ساناتقا كىرەتىن شامامەن 775 اكىمدى سايلاۋ جوسپارلانىپ وتىر. وسىلايشا، ازاماتتاردىڭ تىكەلەي سايلاۋ ارقىلى مەملەكەتتىك باسقارۋعا قاتىسۋىن كەڭەيتۋ ءپرينتسيپى بىرتىندەپ جۇزەگە اسىرىلادى. تىكەلەي سايلاۋ ارقىلى اۋىلدىق اۋماقتاردى باسقارۋدىڭ ءتيىمدى تەتىكتەرىن قالىپتاستىرۋ پروتسەسىنە شامامەن ازاماتتاردىڭ 40 پايىزى تارتىلادى»، دەدى توراعا ورىنباسارى.

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار