الەمنىڭ 39-راكەتكاسى الەكساندر بۋبليك العاشقى اينالىمدا نەگىزگى دوداعا ىرىكتەۋ سايىستارىنان كەيىن قوسىلعان تاعى ءبىر جەرلەسىمىز ميحايل كۋكۋشكيننەن ەكى سەتتە باسىم ءتۇستى – 6:1, 6:4. بۇعان دەيىن قارسىلاستار ءبىر-اق رەت شەبەرلىك بايقاسىپ, وندا كۋكۋشكيننىڭ مەرەيى ۇستەم بولعان ەدى. بۇل جولى بۋبليكتىڭ باعى جاندى. ەندى ا.بۋبليك شيرەك فينالعا شىعۋ ءۇشىن الەمنىڭ 72-راكەتكاسى, بەلارۋس وكىلى ەگور گەراسيموۆپەن تالاسادى.
ال ايەلدەر اراسىندا قازاقستاننىڭ ءبىرىنشى, الەمنىڭ 21-راكەتكاسى ەلەنا رىباكينا ءبىرىنشى اينالىمدا دۇنيەجۇزىلىك رەيتينگتە 141-ورىندا تۇرعان ۇلىبريتانيالىق حەرريەت ءدارتتى ۇتتى. ءۇش سەتكە سوزىلعان باسەكەدە وتانداسىمىز 7:6 (7:5), 6:4 ناتيجەسىمەن باسىم ءتۇستى. ە.رىباكينا كەلەسى اينالىمدا الەمنىڭ 5-راكەتكاسى, ۋكراينالىق ەلينا سۆيتولينامەن وينايدى.
