ەلورداداعى «استانا ارەنا» ستاديونىندا وتكەن كەزدەسۋدە «استانا» شىمكەنتتىڭ «ورداباسى» كلۋبىن قابىلداپ, 0:2 ەسەبىمەن جەڭىلىپ قالدى. باسەكە تاعدىرىن شىمكەنتتىك ۇجىم ءبىرىنشى تايمنىڭ 24-مينۋتىنا دەيىن شەشىپ تاستادى. 22-مينۋتتا «ورداباسى» ساپىنان باعدات قايىروۆ ەسەپتى اشسا, 24-مينۋتتا بيىلعى بىرىنشىلىكتىڭ ۇزدىك سۇرمەرگەنىنىڭ ءبىرى جواۋ پاۋلۋ ەسەپتى ەسەلەپ, ويىننىڭ نۇكتەسىن قويدى. بۇل – «استانانىڭ» بيىلعى چەمپيوناتتاعى العاشقى جەڭىلىسى.
كەيىنگى ەكى ماتچتا 1:1 ەسەبى تىركەلدى. «شاحتەر» سىرت الاڭدا «اتىراۋمەن» ۇپاي بولىسسە, «اقتوبە» ءوز الاڭىندا «قىزىلجاردى» جەڭە المادى. قالعان كەزدەسۋلەردىڭ قالاي وربىگەنىن گازەتىمىزدىڭ كەلەسى سانىندا باياندايتىن بولامىز.
