قازاقستان • 23 ماۋسىم، 2021

كەمەل توقاەۆ اتىنداعى زال اشىلدى

47 رەت كورسەتىلدى

ۇلتتىق اكادەميالىق كىتاپحانادا ەكىنشى دۇنيەجۇزىلىك سوعىس باستالۋىنىڭ 80 جىلدىعىنا ارنالعان «لەسنايا پەسنيا» تاقىرىبىنداعى حالىقارالىق كىتاپ كورمەسى مەن كەمەل توقاەۆ اتىنداعى شىعارماشىلىق زالى تانىستىرىلدى.

«لەسنايا پەسنيا» اتتى كىتاپ-يلليۋستراتسيالىق كورمەسىندەگى ماتەريالدار بەلارۋس رەسپۋب­ليكاسىنىڭ ۇلتتىق كىتاپحاناسى مەن بەلارۋس ۇلتتىق مۇراعات­تارىنىڭ قورلارىنان الىنعان. سونداي-اق «ورمان اندەرى» جازىلعان باننەرلەر مەن بە­لا­رۋس پارتيزاندارىنىڭ قوز­عالىسى جانە ۇيىمداسقان قارۋلى كۇرەستىڭ ماقساتتارى تۋرالى ناق­تى مالىمەتتەر كورسەتىلدى. قول­جازبا جۋرنالدارى، اسكەري وپە­راتسيالاردىڭ كارتالارى مەن سىزبالارى، پارتيزان مەك­تەپتەرىندەگى بالالاردىڭ قولىنان شىققان ەرەكشە جۇمىستارى دا قويىلدى.

قازاقستاندىق مايدانگەر-جازۋشى، اقىن، جۋرناليستەردىڭ سانى توقساننان اسادى. ماسەلەن، ب.مومىش ۇلى، د.سنەگين، د.ابىلەۆ، ج.ساين، ك.توقاەۆ، ق.اب­دىقادىروۆ، ۆ.چۋگۋنوۆ، م.ابدۋللين، ق.امانجولوۆ، ا.جۇماعاليەۆ، ب.بۇلقىشەۆ، ج.مولداعاليەۆ، س.ماۋلەنوۆ، م.عابدۋللين، پ.كۋزنەتسوۆ، ي.ادامبەكوۆ، ا.يسمامبەتوۆ، ح.ەرعاليەۆ، ءا.ءشارىپوۆ، ق.قاي­سەنوۆ جانە باسقالارى بار.

سوعىس تاقىرىبىنا ولشەۋسىز ۇلەس قوسقان قازاقستاندىق اۆ­تورلاردىڭ اراسىندا كەمەل توقاەۆ شىعار­مالارىنىڭ ورنى ەرەكشە. جا­زۋشى ۇلى وتان سو­عىسىنىڭ ارداگەرى، ءى جانە ءىى دا­رەجەلى «وتان سوعىسى» ور­دەن­دەرىنىڭ يەگەرى، ستالينگراد، ۋكراينا، بەلارۋس جانە پول­شادا وت­كەن شايقاستارعا قا­تىسقان. كوپ­تەگەن اسكەري وقي­عانىڭ تىكەلەي قا­تىسۋشىسى رە­تىندە كەيىپ­كەر­لەردىڭ بولمىسىن، سەزىمدەرىن ءدال ءارى شەبەر سۋرەتتەي الدى.

وسىعان وراي ۇلتتىق اكادە­ميالىق كىتاپحانادا قازاق دەتەكتيۆ جانرىنىڭ كورنەكتى وكىلى كەمەل توقاەۆ اتىنداعى شىعارماشىلىق زالى اشىلدى. مۇنداعى ماقسات – جاستاردى ادالدىققا، ەرلىككە، وتان­سۇيگىشتىككە باۋلۋ، مايدانگەرلەرگە قۇرمەت كورسەتۋگە، دەتەكتيۆتىك جانرداعى شىعارمالاردى وقۋ­عا وقىرمانداردىڭ قىزى­عۋ­شى­لىعىن وياتۋ. ءوز ۋاقىتىندا كىتاپتارى ءجۇز مىڭ دانامەن وقىر­مانعا جول تارتقان قا­لام­گەردىڭ رۋحاني مۇراسى كەيىنگى ۇر­پاق بويىنداعى پاتريوتتىق سەزى­مىن وياتۋعا ءوز سەپتىگىن تيگىزەرى ءسوزسىز.

زالدا كەمەل توقاەۆتىڭ كىتاپتارى، الەمدىك جانە قازاق­ستاندىق دەتەكتيۆ جانرىنداعى ۇزدىك تۋىندىلار، ۇلى وتان سوعىسى تۋرالى جازىلعان شىعار­مالار، سول كەزەڭدەگى جاريالانعان ماقالالار، حاتتار، مەرزىمدى باسىلىمدار، اۋديو-بەينەماتەريال­دار، سوعىس تاقىرىبىنداعى ەكسپوناتتار ۇسىنىلعان.

ايتا كەتەيىك، ۇلتتىق اكا­دەميالىق كىتاپحانا ەلىمىزدىڭ بەلگىلى اقىن-جازۋشىلارى مەن قوعام قايراتكەرلەرى اتىنداعى وقۋ زال­دارىنىڭ بولۋىمەن ەرەك­شەلەنەدى. اتاپ ايتساق، «اباي» اكا­دەميالىق وقۋ زالى، «قۇن­­دى تارتۋ» زالى، جازۋشى ءابىش كەكىلباەۆ وقۋ زالى، «مىر­زاتاي جولداسبەكوۆتىڭ مە­مو­ريال­دىق كىتاپ كوللەكتسياسى» وقۋ زالى، دۇكەنباي دوسجان اتىن­داعى «جازۋشى» زالى، اكادەميك كەڭەس نۇرپەيىس ۇلىنىڭ «عى­لىم» زالى، «اكىم تارازي» وقۋ زالى، تۇر­سىنبەك كاكىشەۆ اتىنداعى «عا­لىم» وقۋ زالى، تۇركولوگ عالىمدار بەيسەنباي كەنجەباەۆ پەن نەمات كەلىمبەتوۆ اتىنداعى «تۇركولوگيا» وقۋ زالى، جازۋشى قاجىعالي مۇقامبەتقالي ۇلىنىڭ وقۋ زالى، قوعام قايراتكەرى قۋا­­نىش سۇلتان ۇلىنىڭ جەكە كى­تاپ­حاناسىنان «رۋحاني جاڭ­عىرۋ» زالى، بالالار كىتاپحا­ناسىنىڭ وقۋ زالى. ودان باس­قا زاكي احمەتوۆ، حاميت ەرعا­ليەۆ، حاليفا التاي، حاسەن ورال­تاي­دىڭ جەكە كىتاپحانالارى وقىر­مان سۇرانىسىنا يە.

كەزدەسۋ تمد ەلدەرى ەلشىلىك­تەرىنىڭ، مەملەكەتتىك ورگاندار، شىعارماشىلىق زيالى قاۋىم وكىلدەرىنىڭ، سونداي-اق بۇقارالىق اقپارات قۇرال­دارى­نىڭ قاتى­سۋىمەن ونلاين فورماتتا ءوتتى.

ءىس-شارانى ۇلتتىق اكادە­ميالىق كىتاپحانا، بەلارۋس رەس­­پۋب­ليكاسىنىڭ ەلشىلىگىمەن جانە بەلارۋس رەسپۋبليكاسىنىڭ ۇلت­تىق كىتاپحاناسىمەن بىرلەسىپ ۇيىمداستىردى.

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ءبىر ءوزى – ءبىر مەملەكەت

TOKYO2020 • بۇگىن، 09:00

ءاميان اقشاسىز قالدى

قارجى • بۇگىن، 08:47

ساقتىق تالاپقا ساي ەمەس

كوروناۆيرۋس • بۇگىن، 08:37

Ashyq جوباسىن پايدالانۋشىلار سانى ارتتى

كوروناۆيرۋس • بۇگىن، 08:35

ۇقساس جاڭالىقتار