قازاقستان • 23 ماۋسىم، 2021

قازاقستان مەن اقش-تىڭ ءدىني سەنىم بوستاندىعى بويىنشا تالقىلاۋ ءوتتى

14 رەت كورسەتىلدى

بۇگىن ونلاين فورماتتا ءدىني سەنىم بوستاندىعى ماسەلەلەرى جونىندەگى قازاقستاندىق-امەريكاندىق ساراپتامالىق جۇمىس توبىنىڭ ءتورتىنشى وتىرىسى ءوتتى، دەپ حابارلايدى Egemen.kz.

تالقىلاۋعا اقپارات جانە قوعامدىق دامۋ ۆيتسە-ءمينيسترى سەرىك ەگىزباەۆ، قازاقستان رەسپۋبليكاسىنىڭ اقش-تاعى توتەنشە جانە وكىلەتتى ەلشىسى ەرجان اشىقباەۆ، اقش مەملەكەتتىك دەپارتامەنتىنىڭ حالىقارالىق ءدىني بوستاندىق ماسەلەلەرى جونىندەگى باسقارما ديرەكتورىنىڭ ورىنباسارى كارسون رەليتس روكەر، اقش-تىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ۋيليام موزەر، سونداي-اق قازاقستاننىڭ مەملەكەتتىك ورگاندارىنىڭ، اقش مەملەكەتتىك دەپارتامەنتىنىڭ جانە اقش-تىڭ حالىقارالىق ءدىني سەنىم بوستاندىعى ماسەلەلەرى جونىندەگى كوميسسياسىنىڭ وكىلدەرى قاتىستى.

قازاقستاندىق دەلەگاتسيا حالىقارالىق مىندەتتەمەلەرگە سايكەس ءدىن سالاسىنداعى جاعدايدى ودان ءارى جەتىلدىرۋ جونىندەگى جوسپارلار تۋرالى ايتىپ بەردى.

امەريكالىق تاراپ قازاقستاننىڭ ادام قۇقىقتارى مەن ءدىني سەنىم بوستاندىعى سالاسىنداعى سوڭعى جەتىستىكتەرىن جاعىمدى باعالاپ، ەكى ەل اراسىنداعى ىنتىماقتاستىقتىڭ جالعاسۋىنا جانە ودان ءارى نىعايۋىنا سەنىم ءبىلدىردى.

وتىرىستا حالىقارالىق ءدىني سەنىم بوستاندىعى سالاسىنداعى ەكىجاقتى ىنتىماقتاستىق، سونداي-اق ءدىني بىرلەستىكتەردىڭ قۇقىقتارىن قورعاۋ جانە قامتاماسىز ەتۋ بويىنشا تاجىريبە الماسۋ ماسەلەلەرى جەمىستى تالقىلاندى.

 

سوڭعى جاڭالىقتار

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار