ەكونوميكا • 23 ماۋسىم، 2021

قازاقستاندا جەڭىلدەتىلگەن اۆتونەسيە بەرۋ باعدارلاماسى توقتاتىلدى

14 رەت كورسەتىلدى

ۇلتتىق بانك قازاقستاندا جەڭىلدەتىلگەن اۆتونەسيە بەرۋ باعدارلاماسى توقتاتىلعانىن حابارلادى، دەپ حابارلايدى Egemen.kz.

ۇلتتىق بانك جەڭىلدەتىلگەن اۆتونەسيە بەرۋ باعدارلاماسىن 2019 جىلدىڭ 31 مامىرىندا ىسكە قوسقان. شارتتاردا وتاندىق وندىرىستەن جەڭىل اۆتوكولىك ساتىپ الاتىن جەكە تۇلعالارعا 4 پايىز نومينال مولشەرلەمەمەن كرەديت بەرۋى كوزدەلگەن.

باعدارلامانى ىسكە اسىرۋ ءۇشىن ۇلتتىق بانك 2019-2020 جىلدارى 40 ميلليارد تەڭگە، ياعني جىل سايىن 20 ميلليارد تەڭگە بولگەن.

ۇلتتىق بانك اقپاراتىنا سۇيەنسەك، 2021 جىلدىڭ 27 مامىرىنداعى جاعداي بويىنشا بارلىعى 48،8 ميلليارد تەڭگەگە 8 546 كرەديت بەرىلگەن، ونىڭ ىشىندە 8،8 ميلليارد تەڭگە بۇرىن بەرىلگەن اۆتوكرەديتتەردى (رەۆولۆەرلىك تەتىك) وتەۋدەن تۇسكەن قاراجات ەسەبىنەن ساتىلعان.

«سونىمەن قاتار، ۇلتتىق بانك باسقارماسىنىڭ 2021 جىلعى 24 مامىرداعى № 56 شەشىمىمەن «وتاندىق ءوندىرىستىڭ جەڭىل اۆتوكولىگىن ساتىپ الۋشىلارعا كرەديت بەرۋ باعدارلاماسىن بەكىتۋ تۋرالى» قاۋلىسىنىڭ كۇشى جويىلدى. سونداي-اق، قازاقستاندا ءدال وسىنداي شارتتارمەن وندىرىلگەن جەڭىل اۆتوكولىك ساتىپ الۋشىلارىنا كرەديت بەرۋ ءۇشىن ۇلتتىق بانك بۇرىن بولگەن 40 ميلليارد تەڭگە سوماسىنداعى قاراجاتتى ودان ءارى پايدالانۋ مۇمكىندىگى قاراستىرىلعان»، دەدى بانك وكىلدەرى.

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار