ونەر • 23 ماۋسىم، 2021

قازاقستاندا اسكەري تەاتر اشىلدى

45 رەت كورسەتىلدى

قازاقستاندا العاش رەت اسكەري تەاتر اشىلدى، دەپ حابارلايدى Egemen.kz.

قازاقستان رەسپۋبليكاسى تاۋەلسىزدىگىنىڭ 30 جىلدىق مەرەيتويى جانە قازاقستان پوليتسياسى كۇنىنە وراي، ق. قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا ۇلتتىق ۇلان ءان-بي ءانسامبلىنىڭ «جەڭىس جالاۋى» سپەكتاكلىنىڭ تۇساۋكەسەرى ءوتتى. اتالعان تۋىندى ۇلى وتان سوعىسىنىڭ قاھارمان باتىرى، رەيحستاگقا جەڭىس العاش تۋىن تىككەن راقىمجان قوشقارباەۆتىڭ ەرلىگىنە نەگىزدەلگەن.

سونىمەن بىرگە ساحنادا تۇڭعىش رەت ەلىمىزدىڭ كۇش قۇرىلىمدارى اراسىندا ۇلتتىق ۇلان ءان-بي ءانسامبلى تەاترلىق توبىنىڭ ارتىستەرى ونەر كورسەتكەنىن ەرەكشە اتاپ وتكەن ءجون. سپەكتاكل تۇساۋكەسەرىنە مادەنيەت جانە سپورت ءمينيسترى اقتوتى رايىمقۇلوۆا، ىشكى ىستەر ءمينيسترىنىڭ باسشىلىق قۇرامى، ۇلتتىق ۇلان باس قولباسشىسى رۋسلان جاقسىلىقوۆ، پارلامەنت دەپۋتاتتارى مەن ارداگەر گەنەرالدار، ونەر جانە مادەنيەت قايراتكەرلەرى، اسكەريلەر، سونداي-اق بۇقارالىق اقپارات قۇرالدارىنىڭ وكىلدەرى قاتىستى.

ءوز سوزىندە مادەنيەت جانە سپورت ءمينيسترى اقتوتى رايىمقۇلوۆا ونەر ۇجىمىن اسكەري تەاتردىڭ اشىلۋى جانە قويىلىمنىڭ تۇساۋكەسەرىمەن قۇتتىقتادى. ۇلتتىق ۇلان باس قولباسشىسى گەنەرال-لەيتەنانت رۋسلان جاقسىلىقوۆ ايتقانداي، قويىلىمدى قويۋداعى ماقسات – ەل حالقى مەن وسكەلەڭ ۇرپاققا راقىمجان باستاعان قازاق جاستارىنىڭ ۇلى جەڭىستى جاقىنداتۋعا قوسقان ۇلەسىن، ولاردىڭ مايدان دالاسىنداعى ەرلىگىن اسپەتتەۋ بولىپ تابىلاتىنىن جەتكىزدى.

سونىمەن قاتار رۋسلان فاتيح ۇلى انسامبل قۇرامىنداعى تەاتر توبى ىشكى ىستەر ءمينيسترىنىڭ قولداۋىمەن اشىلعانىن، ونى قۇرۋ بارىسىندا رەسەيلىك اسكەر تەاترىنىڭ تاجىريبەسى زەرتتەلگەنىن ايتتى. اسكەري تەاتردى اشۋداعى ماقسات – پوگون تاققان ارتىستەردىڭ ونەرى ارقىلى وسكەلەڭ ۇرپاقتى پاتريوتيزمگە باۋلۋ، سونداي-اق اسكەري قىزمەتتى ناسيحاتتاۋ بولىپ تابىلادى.

سپەكتاكلدىڭ مازمۇنىنا قىسقاشا توقتالار بولساق. ەلىمىزدىڭ ءبىرتۋار باتىرى باۋىرجان مومىش ۇلى جازۋشى-جۋرناليست كاكىمجان قازباەۆتى وزىنە شاقىرىپ، رەيحگستاگقا العاش تۋ تىككەن قازاق راقىمجان قوشقارباەۆ تۋرالى زەرتتەۋ جاساۋدى بۇيىرادى. جەڭىس جالاۋىن قاداعان جاس جىگىتتىڭ ەرلىگىن زەرتتەگەن جازۋشى ونىڭ ومىرىمەن ەگجەي-تەگجەيلى تانىسادى. سول ساتتەن باستاپ ساحنادا جاس راقىمجاننىڭ سوعىسقا دەيىنگى ءومىرى كورەرمەندەردىڭ نازارىنا ۇسىنىلدى. بولاشاق قاھارماننىڭ ارمانى، ماحابباتى، جىگەرى مەن ءور رۋحى قامتىلدى.

ۇيىمداستىرۋشىلار باس قاھارمان ارقىلى وتانعا دەگەن رياسىز سۇيىسپەنشىلىگىن ءساتتى كورسەتە الدى. ەڭ باستىسى، رەيحستاگقا تۋ تىككەن ەرلىگى باياندالدى. قويىلىم بارىسىندا ۇرپاقتار ساباقتاسىتىعى مەن پاتريوتيزم رۋحىن سىڭىرگەن اسكەري جانە سوعىس جىلدارىنداعى اندەر ايتىلدى. بۇل قويىلىمعا ەرەكشە رەڭ سىيلايدى. ەر باۋكەڭ – باۋىرجان مومىش ۇلى تاريحي شىندىق ءۇشىن كۇرەسكەنى، راحىمجان قوشقارباەۆقا «كەڭەس وداعىنىڭ باتىرى» اتاعىن بەرۋ تۋرالى تالابى كورسەتىلەدى.

قويىلىم سوڭىندا ەلباسى ن. نازارباەۆتىڭ جارلىعىمەن راقىمجان قوشقارباەۆقا 1999 جىلى «حالىق قاھارمانى» اتاعى بەرىلگەنى ايتىلدى. بۇل تاريحي شىندىققا ۇمتىلعان حالىقتىڭ راقىمجانداي باتىرى ارقىلى تەبىرەنىسىن جانە ەلباسى مەن ەگەمەندىكتىڭ اتالعان شىندىققا جەتۋدەگى ءرولىن كورسەتكەنىن اتاپ وتكەن ءجون.

ايتا كەتۋ كەرەك، سپەكتاكل ۇلتتىق ۇلان ءان-بي ءانسامبلىنىڭ تەاترلاندىرىلعان تۇڭعىش قويىلىمى بولدى. اسكەري دراما جانرىنداعى قويىلىمنىڭ اۆتورى قانات ءجۇنىسوۆ، قويۋشى رەجيسسەرى داۋرەن سەرعازين، قويۋشى سۋرەتشىسى ەرلان تۇياقوۆ، ءان-بي ءانسامبلىنىڭ كوركەمدىك جەتەكشىسى مايور دارحان راحىمعاليەۆ. ۇلتتىق ۇلان ءان-بي ءانسامبلى بۇگىنگى تاڭدا مەملەكەتىمىزدىڭ ورتالىق زالدارىندا گالا-كونتسەرت بەرەتىن بىرەگەي اسكەري-مۋزىكالىق ۇجىم. انسامبل مۋزىكانتتارى مەن سوليستەرىنىڭ ورىنداۋىنداعى اسكەري-پاتريوتتىق اندەر ەلىمىزدەگى بارلىق پاتريوتتىق شارالاردىڭ كەلبەتىنە اينالدى. اسكەري تاقىرىپقا بايلانىستى بىردە-ءبىر كونتسەرت ۇلاندىق ونەرپازداردىڭ قاتىسۋىنسىز وتپەيدى.

انسامبل رەپەرتۋارى ءار الۋان، وندا اسكەري اندەر، حالىق مۋزىكاسى، ەسترادا جانە جاستار ءستيلى، الەم حالىقتارىنىڭ اندەرى مەن بيلەرى بار. انسامبل قۇرامىندا ەرلەر حورى، ۆوكالشىلار جانە بيشىلەر توبى، بيگ-بەند، فولكلورلىق توپ جانە كونتسەرتتىك وركەستر بار. بيىلدان باستاپ ولاردىڭ قاتارىنا اسكەري تەاتر توبى قوسىلىپ وتىر.

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ءبىر ءوزى – ءبىر مەملەكەت

TOKYO2020 • بۇگىن، 09:00

ءاميان اقشاسىز قالدى

قارجى • بۇگىن، 08:47

ساقتىق تالاپقا ساي ەمەس

كوروناۆيرۋس • بۇگىن، 08:37

Ashyq جوباسىن پايدالانۋشىلار سانى ارتتى

كوروناۆيرۋس • بۇگىن، 08:35

اسكەري دارىگەرلەر كومەككە كەلدى

كوروناۆيرۋس • بۇگىن، 08:28

دايارلىقتارىن جەتىلدىردى

قوعام • بۇگىن، 08:21

«وردالى وتىز ءىس»

تاۋەلسىزدىكتىڭ 30 جىلدىعى • بۇگىن، 08:17

تاليبتەردىڭ شابۋىلى

الەم • بۇگىن، 08:09

ۇقساس جاڭالىقتار