ايماقتار • 23 ماۋسىم، 2021

اتىراۋ پوليتسياسىندا 20 وتباسىلىق جۇپ قىزمەت اتقارادى

284 رەت كورسەتىلدى

اتىراۋ قالالىق پوليتسيا باسقارماسىندا 20 وتباسىلىق جۇپ جۇمىس ىستەپ ءجۇر. ولار قوعامدىق ءتارتىپ پەن قاۋىپسىزدىكتىڭ ساقتالۋى ءۇشىن قىزمەتتە ءجۇرىپ، باقىتتى جانۇيا قۇرعان، دەپ حابارلايدى Egemen.kz.

وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە، سولاردىڭ ءبىرى – الىبەك پەن باعدات قايىرعاليەۆتەردىڭ وتباسى.

«ورال قالاسىنداعى قازاقستان يننوۆاتسيالىق جانە تەلەكوممۋنيكاتسيالىق ۋنيۆەرسيتەتىن بىتىرگەن الىبەك قايىرعاليەۆ 2016 جىلى ىشكى ىستەر ورگانىنا جۇمىسقا ورنالاسىپتى. ال، باعدات – ىشكى ىستەر مينيسترلىگى ش.قابىلباەۆ اتىنداعى قوستاناي اكادەمياسىنىڭ تۇلەگى. ەكەۋى ءبىر-بىرىمەن وسى سالادا كەزدەسكەن»، دەپ حابارلادى دەپارتامەنتتىڭ ءباسپاسوز قىزمەتى.  

قازىر ەكەۋى دە اتىراۋ قالالىق پوليتسيا باسقارماسىنىڭ كامەلەتكە تولماعاندار ىستەرى جونىندەگى ۋچاسكەلىك پوليتسيا ينسپەكتورى بولىپ جۇمىس ىستەيدى. ولار بىلتىر وتاۋ قۇرىپ، ەندى تۇڭعىش ءسابيىن كۇتىپ ءجۇر.

ء«بىزدىڭ اتقاراتىن قىزمەتىمىز دە، كوزقاراسىمىز بەن قىزىعۋشىلىعىمىز دا ءبىر ارناعا توعىسىپ جاتادى. كۇندەلىكتى اتقارعان جۇمىسىمىزدى تالداپ، ءبىر-بىرىمىزگە كەڭەسىمىزدى بەرەمىز. وتباسىلىق جۇپتىڭ ءبىر سالادا جۇمىس ىستەگەنىنىڭ ارتىقشىلىعى كوپ. ويتكەنى، جۇمىس بابىندا ءبىر-بىرىمىزگە كومەكتەسىپ، قينالعان ساتتە قولداۋ كورسەتۋگە مۇمكىندىك بار»، دەيدى الىبەك قايىرعاليەۆ.

جاقىندا ىشكى ىستەر ءمينيسترى ەرلان تۇرعىمباەۆتىڭ بۇيرىعىمەن پوليتسەي جىگىت «قۇقىق ءتارتىبىن قامتاماسىز ەتۋگە قوسقان ۇلەسى ءۇشىن» مەدالىمەن ماراپاتتالدى. ويتكەنى، ول كىلتتەۋلى پاتەردە جالعىز قالعان ءجاسوسپىرىمدى قۇتقارعان بولاتىن.

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ءبىر ءوزى – ءبىر مەملەكەت

TOKYO2020 • بۇگىن، 09:00

ۇقساس جاڭالىقتار