وقيعا • 23 ماۋسىم، 2021

اۆتوتۇراقتا تاعى دا 100 تەڭگە ءۇشىن جانجال شىقتى

18 رەت كورسەتىلدى

وقيعا الماتىداعى «باقوردا» بازارىنىڭ تۇراعىندا بولعان. ۆيدەو كادرلارىنان جۇرگىزۋشى مەن قىزمەتكەر اراسىندا اۆتوتۇراق اقىسى ءۇشىن جانجال شىققانىن كورۋگە بولادى، دەپ حابارلايدى Egemen.kz.

بۇل جولى تۇراق قىزمەتكەرى جۇرگىزۋشىگە تەرمينال قۋاتى تاۋىسىلعاندىقتان جۇمىس ىستەمەيتىنىن ءتۇسىندىرىپ، 200 تەڭگە تولەۋدى تالاپ ەتكەن. ۆيدەودا Lexus ماركالى كولىك جۇرگىزۋشىسى بۇل ونىڭ پروبلەماسى ەمەس ەكەنىن ايتىپ، 100 تەڭگە تولەگەنىن ەسكەرتەدى. كادرلاردان قىزمەتكەردىڭ جۇرگىزۋشىنى ۇرماق بولعانى كورىنەدى. بىراق ونى ارىپتەستەرى توقتاۋعا تىرىسادى.

پوليتسيا وقيعانىڭ الماتى قالاسى الاتاۋ اۋدانىنداعى «باقوردا» بازارى تۇراعىندا بولعانىن راستادى.

«الاتاۋ اۋداندىق پوليتسيا باسقارماسى مالىمەتىنە سايكەس، وقيعا بويىنشا پوليتسياعا قوڭىراۋ تۇسپەگەن. سونىمەن قاتار جانجالعا قاتىسۋشىلار انىقتالدى. ولار ءبىر-بىرىنە ارىز، شاعىم جاساۋدان باس تارتتى. پروفيلاكتيكالىق جۇمىستار جۇرگىزىلدى»، دەدى الماتى پوليتسيا دەپارتامەنتىنىڭ ءباسپاسوز قىزمەتى وكىلى.

ايتا كەتەيىك، 30 ناۋرىزدا وسىنداي جانجال «التىن وردا» بازارى تۇراعىندا بولعانى حابارلانعان ەدى. جانجالدىڭ ۆيدەوسى جەلى قولدانۋشىلارى اراسىندا رەزونانس تۋدىردى. كەيىن ەكى تاراپ تاتۋلاسىپ، ءبىر-بىرىنە شاعىمى جوق ەكەنىن ايتتى.

 

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ءبىر ءوزى – ءبىر مەملەكەت

TOKYO2020 • بۇگىن، 09:00

ۇقساس جاڭالىقتار