قازاقستان • 23 ماۋسىم، 2021

انار جايلعانوۆا مەملەكەتتىك قىزمەتشىلەردى كاسىبي مەرەكەلەرىمەن قۇتتىقتادى

48 رەت كورسەتىلدى

قر مەملەكەتتىك قىزمەت ىستەرى اگەنتتىگىنىڭ توراعاسى انار جايلعانوۆا «Facebook» الەۋمەتتىك مەملەكەتتىك قىزمەتشىلەردى كاسىبي مەرەكەلەرىمەن قۇتتىقتادى، دەپ حابارلايدى Egemen.kz.

«سىزدەردى كاسىبي مەرەكەلەرىڭىزبەن قۇتتىقتايمىن! 23 ماۋسىم-الەمنىڭ بارلىق مەملەكەتتىك قىزمەتشىلەرى ءۇشىن بىرىڭعاي كاسىبي مەرەكە. 2002 جىلعى 20 جەلتوقساندا بۇۇ باس اسسامبلەيانىڭ 57-سەسسياسىندا 23 ماۋسىمدى مەملەكەتتىك قىزمەت كۇنى دەپ جاريالاۋ تۋرالى قارار قابىلدادى.

كەيىن، 2013 جىلى ەل پرەزيدەنتىنىڭ جارلىعىمەن بۇل كۇن قازاقستاننىڭ مەملەكەتتىك قىزمەتشىلەر كۇنى بولىپ بەكىتىلدى. بۇگىندە 90 مىڭعا جۋىق قازاقستاندىق وزدەرىنىڭ كاسىبي مەرەكەلەرىن اتاپ وتۋدە، ولاردىڭ 42 مىڭنان استامى وڭىرلەردە جۇمىس ىستەيدى. مەملەكەتتىك قىزمەتشىلەردىڭ جالپى سانىنىڭ جارتىسىنان استامىن (55%) – ايەلدەر قاۋىمى قۇرايدى.

وسى كۇن قارساڭىندا اگەنتتىك اتىنان مەملەكەتتىك قىزمەتتى دامىتۋعا جانە قويىلعان مىندەتتەردى تابىستى ىسكە اسىرۋعا قوسقان ەلەۋلى ۇلەسى ءۇشىن اعىمداعى جىلى 79 مەملەكەتتىك قىزمەتشى قر مەملەكەتتىك قىزمەت ىستەرى اگەنتتىگىنىڭ «ۇزدىك مەملەكەتتىك قىزمەتشى» ۆەدومستۆولىق ناگراداسىمەن ماراپاتتالدى.

مەملەكەتتىك قىزمەتشىلەرگە جۇكتەلگەن جوعارى جاۋاپكەرشىلىكتى، سونداي-اق ولاردىڭ قىزمەتىنىڭ ماڭىزدىلىعىن اتاپ وتكەن تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆ: «باسەكەگە قابىلەتتى مەملەكەتتىك قىزمەتتى قۇرمايىنشا، باستى ماقسات - گۇلدەنگەن قازاقستاندى قۇرۋ مۇمكىن ەمەس»، - دەپ ايتقان بولاتىن.

مەملەكەت باسشىسى قاسىم-جومارت كەمەل ۇلى توقاەۆ: «مەملەكەتتىك قىزمەتشىلەرگە ماڭىزدى رەفورمالاردى جۇزەگە اسىرۋ، ەلىمىزدى دامىتۋ، «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ ءۇشىن ايرىقشا جاۋاپكەرشىلىك جۇكتەلەتىنىن، ازاماتتاردىڭ زاڭدى تالاپتارىنىڭ ورىندالۋى مەملەكەتتىك قىزمەتشىلەرگە بايلانىستى ەكەنىن اتاپ ءوتتى.

مەملەكەتتىك قىزمەتتەگى جۇمىس جوعارى جاۋاپكەرشىلىكتى، ۇدايى ءوزىن-ءوزى جەتىلدىرۋدى، جوعارى كاسىبيلىك پەن تەرەڭ ءبىلىمدى تالاپ ەتەدى.

سىزدەردىڭ ارقايسىلارىڭىز مەملەكەتتىك باعدارلامالار مەن اۋقىمدى رەفورمالاردى ىسكە اسىرۋعا، ياعني حالىقتىڭ ءال – اۋقاتىن ارتتىرۋعا ەلەۋلى ۇلەس قوسىپ كەلەسىزدەر.

قازىر covid-19 پاندەمياسى جاعدايىندا مەملەكەتتىك قىزمەتشىلەردىڭ الدىندا - حالىقتىڭ تىنىس-تىرشىلىگىنىڭ بارلىق سالالارىنىڭ ۇزدىكسىز جۇمىسىن قامتاماسىز ەتۋ مىندەتى تۇر. وسى كۇردەلى كەزەڭدە سىزدەردىڭ كۇندەلىكتى جانە ۇيلەسىمدى جۇمىسىڭىزدىڭ ارقاسىندا مەملەكەتتىك اپپاراتتىڭ تولىققاندى جۇمىس ىستەۋى قامتاماسىز ەتىلەدى.

سىزدەرگە ەلدىڭ يگىلىگى جولىندا اتقارىپ جاتقان قىزمەتتەرىڭىز ءۇشىن العىس بىلدىرەمىن! سىزدەرگە جانە وتباسىلارىڭىزعا مىقتى دەنساۋلىق، باقىت جانە بارلىق ىستەرىڭىزگە ساتتىلىك تىلەيمىن!»، دەدى انار جايلعانوۆا.

 

 

سوڭعى جاڭالىقتار

تسيفرلى تەڭگە جوباسى تالقىلاندى

ەكونوميكا • بۇگىن، 23:50

اقپاراتتىق حابارلاما

ەگەمەن قازاقستان • بۇگىن، 19:00

پاۆلوداردا جۇمىسشىنى توك سوقتى

ايماقتار • بۇگىن، 11:47

دوللار تاعى دا ارزاندادى

ەكونوميكا • بۇگىن، 11:06

ۇقساس جاڭالىقتار