كوروناۆيرۋس • 23 ماۋسىم، 2021

كوروناۆيرۋس: الماتىدا 47 ناۋقاس جانساقتاۋ بولىمىندە جاتىر

42 رەت كورسەتىلدى

الماتىدا كوروناۆيرۋس جۇقتىرعان 620 ناۋقاس ەم قابىلداپ جاتىر. بۇل تۋرالى قالالىق قوعامدىق دەنساۋلىق ساقتاۋ باسقارماسىنان ءمالىم ەتتى، دەپ حابارلايدى Egemen.kz.

22 ماۋسىم كۇنگى اقپارات بويىنشا، ءبىر تاۋلىكتە قالادا 117 ادام كوروناۆيرۋس جۇقتىرعان.

«مۇنىڭ ىشىندە سيمپتومدى، جەڭىل جانە ورتاشا دەڭگەيدەگى بەلگىلەرمەن – 105، سيمپتومسىز – 12 ناۋقاس تىركەلدى. بارلىق ەمدەلىپ شىققاندار – 62، كەلىپ تۇسكەنى – 70. ينفەكتسيالىق ستاتسيونارلاردا 620 ادام بار (توسەك-ورىننىڭ جالپى سانى –1 730)، ونىڭ ىشىندە 25 بالا ەمدەلۋدە»، دەپ ناقتىلادى قوعامدىق دەنساۋلىق ساقتاۋ باسقارماسىنىڭ ءباسپاسوز قىزمەتىنەن.

سونداي-اق رەانيماتسيا جانە قارقىندى تەراپيا بولىمىندە 47 ادام جاتىر. ال 14 ناۋقاس جاساندى تىنىس الۋ اپپاراتىنا قوسىلعان. ءينۆازيۆتى ەمەس جاساندى تىنىس الۋ اپپاراتىندا 14 ادام ەم قابىلداۋدى جالعاستىرۋدا.

High flow-دا 17 اپپارات جۇمىس ىستەيدى. مەديتسينالىق-سانيتاريالىق العاشقى كومەك ءموبيلدى بريگادالارىنىڭ جانە تەلەمەديتسينا ورتالىعىنىڭ امبۋلاتوريالىق باقىلاۋىندا 915 پاتسيەنت بار.

ونىڭ ىشىندە ىندەت بەلگىلەرى بار، ورتاشا اۋىر جاعدايدا 760 ناۋقاس. 155 ادامدا كوروناۆيرۋس بەلگىلەرى جوق.

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار