وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, 2018 جىلى 34 ۋچاسكەلىك پوليتسيا بەكەتتەرىنىڭ جاڭا عيماراتىن سالۋ جونىندە وبلىستىق اكىمدىككە ۇسىنىس بەرىلگەن ەكەن. سودان بەرى 28 ۋچاسكەلىك پوليتسيا بەكەتى پايدالانۋعا بەرىلدى. ەندى تاعى دا وسىنداي بەس بەكەتتى اشۋ جوسپارلانىپتى. ال, جاڭا ۋچاسكەلىك پوليتسيا بەكەتتەرى يساتاي اۋدانىنداعى ح.ەرعاليەۆ جانە تۇششىقۇدىق اۋىلىندا اشىلىپ وتىر.
«مەملەكەت باسشىسىنىڭ جولداۋىندا ىشكى ىستەر ورگاندارى جۇيەسىن رەفورمالاۋدا باستى ءرول ۋچاسكەلىك پوليتسەيلەرگە جۇكتەلىپ, ولاردىڭ قىزمەتىنە ەرەكشە كوڭىل بولىنەتىنى ايتىلعان ەدى. سوعان بايلانىستى جاڭا بەكەتتە ۋچاسكەلىك پوليتسيا ينسپەكتورى مەن ونىڭ وتباسىنا قولايلى تۇرعىن-جاي قاراستىرىلدى. مۇنداي بەكەت ءتارتىپ ساقشىسىنىڭ جەرگىلىكتى تۇرعىنداردىڭ قاۋىپسىزدىگى مەن قوعامنىڭ تىنىشتىعىن ساقتاۋعا, قىلمىستىڭ الدىن الۋعا زور ىقپالىن تيگىزەدى. ويتكەنى, ۋچاسكەلىك ينسپەكتور تۇرعىنداردىڭ ارىز-شاعىمىن وسىندا قابىلداپ, كەز-كەلگەن ماسەلەگە دەر كەزىندە دەن قويادى», دەيدى وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى قامزا ۇمبەتقاليەۆ.
تۇششىقۇدىق اۋىلىنىڭ ۋچاسكەلىك پوليتسيا ينسپەكتورى شىڭعىس يباتوۆ ىشكى ىستەر ورگانىندا 2014 جىلدان بەرى جۇمىس ىستەيدى.
«جاڭا ۇلگىدەگى ۋچاسكەلىك پوليتسيا بەكەتىندە ءتورت جۇمىس بولمەسى بار. ال, وتباسىم ءۇشىن تاعى ءتورت بولمەلى تۇرعىن-جاي سالىنعان. ەندى جاڭا عيماراتتا تاۋلىك بويى جۇمىس ىستەۋگە بولادى», دەيدى ۋچاسكەلىك پوليتسيا ينسپەكتورى شىڭعىس يباتوۆ.
