ايماقتار • 22 ماۋسىم، 2021

جەتىسۋدا جەم-ءشوپ باعاسى قىمباتتادى

28 رەت كورسەتىلدى

جەتىسۋدا ءشوپ شابۋ ناۋقانى قىزىپ تۇر. شارۋالار شالعىسىن سايلاپ، ىسكە كىرىسكەلى ءبىراز بولعان. بيىل وڭىردە جاۋىن-شاشىن از بولىپ، مال ازىعىنا قاجەتتى داقىلداردىڭ شىعىمى جىلداعىدان تومەن بولعانىمەن، جيىن-تەرىمءنىڭ باستاپقى ناتيجەسى جامان ەمەس سياقتى، دەپ حابارلايدى Egemen.kz.

دەرەككە جۇگىنسەك، ايماقتا مال ازىعىنىڭ القاپتارى بىلتىرعى جىلمەن سالىستىرعاندا 7،1 مىڭ گەكتارعا ارتىپ، 259 مىڭ گەكتاردى قۇراپ وتىر. وسى القاپتان 3،5 ملن توننا ءشوپ، 1،3 ملن توننا شىرىندى مال ازىعىن جانە 684 مىڭ توننا جەم دايىنداۋ جوسپارلانىپتى. قازىرگە دەيىن وي مەن قىرعا شالعى سالعان شوپشىلەر كوپ جىلدىق داقىلداردىڭ العاشقى كەزەڭىن اياقتاپ بولعان. جينالعان ءشوپ كولەمى جامان ەمەس، مايالانعان ءشوپتىڭ مولشەرى 418،1 مىڭ توننادان اسسا، ونىڭ 285،2 مىڭ تونناسى جوڭىشقا ەكەن.

شارۋالار ءشوپ شابۋمەن قاتار كۇزدىك ەگىندى دە جيناۋعا دايىندالىپ جاتىر. كۇزدىك داقىلدار ەگىلگەن القاپ كولەمى دە بيىل كوبەيگەن. ياعني، ەگىس القابى 2،5 مىڭ گەكتارعا ۇلعايىپ، جالپى كولەمى 105،9 مىڭ گا القاپقا جەتىپتى. ال كۇزدىك ورۋ ناۋقانى 10 شىلدەدە باستالماق. ورىلعان ءداندى قابىلدايتىن قامبا دا ازىرلەنىپ جاتىر. بۇگىندەوڭىردە 771 مىڭ توننا استىق سياتىن 265 ساقتاۋ قويماسى بار. جۇمىستىڭ توقتاۋسىز ءجۇرىپ، ءونىمنىڭ شىعىنسىز جينالۋى ءۇشىن شارۋا قوجالىقتارىندا 1468 كومباين، 180 ءشوپ تايلاعىش، 263 استىق تيەگىش، 203 ءدان تيەءۋشى جانە 164 استىق تازالاعىش ماشينا ساقاداي ساي تۇر ەكەن. ورىلعان ءدان 256 اۆتوتارازىعا تارتىلىپ، قويماعا جونەلتىلمەكشى.

- ەگىس القاپتارىن ءارتاراپتاندىرۋ ساياساتىنا سايكەس، وبلىستاعى مال ازىعى داقىلدارىنىڭ كولەمى 17،8 مىڭ گەكتارعا ۇلعايدى. جوسپار بويىنشا بيىل 2842،2 مىڭ توننا ءشوپ ازىرلەنۋى كەرەك. بۇگىنگە دەيىن 124،9 مىڭ توننا ءشوپ دايىن. وراقپەن قاتار پىشەندەمە، سابان، جەمدىك ازىق، سۇرلەم ازىرلەۋ جۇمىستارى دا تالاپقا ساي ءجۇرىپ جاتىر. وراق ناۋقان قوڭىر كۇزگە دەيىن جالعاساتىنىن ەسكەرسەك، قاجەتتى مال ازىعىنىڭ قورىن ارتىعىمەن دايىنداپ ۇلگەرەمىز، - دەيدى وبلىستىق اۋىل شارۋاشىلىعى باسقارماسىنىڭ باسشىسى ماقسۇتجاپاروۆ.

ايماقتا جەم-ءشوپ قورىن جەتكىلىكتى دايىنداۋ ءۇشىن شابىندىقتان بولەك قامىس پەن قۇراق ورۋ ءىسى قولعا الىنىپتى. تابيعي ءشوپتى بالعىن كۇيىندە دايىنداپ، قىسقا ساقتاۋ بالقاش اۋدانىندا قىزۋ ءجۇرىپ جاتىر. بۇل ءبىر جاعىنان جەكەلەگەن شارۋاشىلىقتاردىڭ ەگىستىك القاپتارىنداعى قۇرعاقشىلىق سالدارىن جويۋعا سەپ بولماق. ياعني، ءبىر شارۋا قوجالىعى قامىس پەن قۇراقتى ورىپ، باستارسا، ەكپە ءشوبى بىتىك شىققان ەكىنشى شارۋاشىلىقپەن ءوزارا جەم-ءشوپ الماسۋعا مۇمكىندىك بەرەدى ەكەن. ال بالقاش اۋدانىندا ەگىستىكپەن ءىرىلى-ۇساقتى 11 شارۋاشىلىق اينالىسىپ وتىر. ولار 12 730 گەكتار سۋارمالى القاپقا كوپجىلدىق ءشوپ ءوسىرەدى. قازىرگە دەيىن تيەسىلى القاپتىڭ 5 676 گەكتارى شابىلىپ، العاشقى ناتيجە بويىنشا 2740 توننا ءشوپ دايىندالعان.

- ءبىزدىڭ شارۋاشىلىقتا 540 گەكتار سۋارمالى القاپ بار. وسى جەردىڭ 180 گەكتارىنا كوپجىلدىق ءشوپ ءوسىرەمىز. بۇگىندىككە 145 گەكتاردى شاۋىپ بولىپ، 90 گەكتارداعى ءونىمدى باۋلاپ، باستىرىپ جاتىرمىز. وراق ناۋقانىن كۇن رايى بۇزىلماي اياقتاۋ ءۇشىن قوسىمشا ادام كۇشى مەن تەحنيكا جۇمىلدىرۋدامىز. قازىر شوپشىلەر قوسىنىندا 26 ادام ەڭبەك ەتىپ جاتىر، - دەيدى «باۋىرجان-7» سەرىكتەستىگىنىڭ ديرەكتورى تالعات سۇلتانوۆ.

ايتپاقشى، وبلىستا وراق اياقتالماي جاتىپ-اق ءشوپ باعاسى كۇرت قىمباتتاپ كەتتى. مىسالى، كوكسۋ اۋدانىنداعى جەم-ءشوپ بازارىنداعى 1 باۋ جوڭىشقانىڭ قۇنى 2000 - 2300 تەڭگەدەن اسقان. ال ءدال وسىنداي تابيعي ءشوپتىڭ قۇنى 1500-1700 تەڭگە شاماسىندا. بۇل نەگىزىنەن اۋىل شارۋاشىلىعىمەن اينالىساتىن اۋدانداعى جاعداي. ياعني، بىلتىرعى سايكەس كەزەڭدە تايلانعان جوڭىشقانىڭ باعاسى 1200 تەڭگە بولعان ەكەن. جەرگىلىكتى جۇرت بيىل جەم-ءشوپ قۇنىنىڭ 100 پايىزعا وسكەنى بىردەن ءبىلىنءدى دەيدى. سونداي-اق قۇراما جەم مەن ۇنتاقتالعان مال ازىعىنىڭ باعاسى دا شارىقتاپ بارادى. بيىلعى ءونىمنىڭ ءالى دە ساۋداعا تۇسپەگەنىن ەسكەرسەك، مال ازىعىنا قاجەتتى ءداندى-داقىلداردىڭ بازارداعى نارقىنا قاراپايىم تۇرعىنداردىڭ قولى جەتپەي قالا ما دەگەن قاۋىپ تە جوق ەمەس.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار