قازاقستان • 22 ماۋسىم، 2021

قازاقستان 700 مىڭ توننادان استام كوكونىس ەكسپورتتاماق

40 رەت كورسەتىلدى

قر ساۋدا جانە ينتەگراتسيا ءمينيسترى باقىت سۇلتانوۆ ەكسپورتقا قاتىستى جاعدايدى ايتتى، دەپ حابارلايدى Egemen.kz.

«كارانتين شەكتەۋلەرى مەن ءونىم جەتكىزۋدەگى كەمشىلىكتەر ازىق-ت ۇلىك ەمەس تاۋارلارعا سۇرانىستىڭ 20 پايىزعا جۋىق تومەندەۋىنە الىپ كەلدى. سونىمەن قاتار لوكداۋن اۋىل شارۋاشىلىعى تاۋارلارىنىڭ ساۋداسىنا ايتارلىقتاي اسەر ەتپەدى»، دەدى ب. سۇلتانوۆ ونلاين رەجيمدە حالىق الدىندا ەسەپ بەرۋى كەزىندە.

ونىڭ ايتۋىنشا، الەم ەلدەرىنىڭ بازالىق ازىق-ت ۇلىك ونىمدەرىن قاربالاس ساتىپ الۋى قازاقستاندىق وڭدەلگەن اۋىل شارۋاشىلىعى تاۋارى ەكسپورتىن 18،1 پايىزعا ارتتىرۋعا مۇمكىندىك بەردى.

«ىشكى نارىقتىڭ تۇراقتىلىعى مەن ەكسپورتتىق ءتيىستى كولەمىن قامتاماسىز ەتۋ ءۇشىن كورشىلەس ەلدەرمەن فورۆاردتى شارتتاردى بەكىتۋدى جوسپارلاپ وتىرمىز. وسى ورايدا كارتوپتى، پيازدى، ءسابىزدى جانە قىرىققاباتى ءتيىستى كەزەڭدە جانە ءونىم جيناۋ مەرزىمىندە ءوزارا جەتكىزۋ بويىنشا كەلىسىمدى بەكىتپەكپىز. ءونىمدى جاپپاي جيناۋ كەزەڭىندە كورشىلەس ەلدەرگە 765 مىڭ تونناعا جۋىق كوكونىس جەتكىزە الامىز. سونىمەن قاتار ءبىزدىڭ نارىق ەرتە پىسەتىن 280 مىڭ توننا كوكونىسپەن ۋاقىتىلى قامتاماسىز ەتىلەدى»، دەدى مينيستر.

ناتيجەسىندە، اتالعان ونىمدەرگە باعانىڭ قۇبىلۋى 7-10 پايىز دالىزىندە بولادى دەپ ەسكەرىلىپ وتىر.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار