ايماقتار • 22 ماۋسىم، 2021

نۇر-سۇلتاندا پاتسيەنتتەردىڭ 56%-ىنان ءۇندى شتامى انىقتالدى

30 رەت كورسەتىلدى

COVID-19 اۋرۋىنىڭ كۇرت ءوسۋىن جانە ءۇندى شتاممىنىڭ ىقتيمالدىعىن ەسكەرە وتىرىپ، نۇر-سۇلتاندا قوسىمشا تەكسەرۋگە 54 ناۋقاستىڭ سىناماسى الىندى. ولاردىڭ ىشىندە پاتسيەنتتەردىڭ 56%-ىندا ءۇندى شتاممىنىڭ ىقتيمالدىعى انىقتالدى، دەپ حابارلايدى Egemen.kz.

مۋتاتسيانىڭ جاڭا ءتۇرى ەڭ جۇقپالى جانە تەز تارالادى. ەلوردادا قالا تۇرعىندارىنىڭ قاۋىپسىزدىگىن قامتاماسىز ەتۋ ماقساتىندا قوسىمشا كارانتيندىك شەكتەۋلەر ەنگىزىلەدى. كوروناۆيرۋستىڭ تارالۋىنا جول بەرمەۋ شارالارى ەلوردا اكىمى التاي كولگىنوۆتىڭ باسشىلىعىمەن وتكەن قالالىق شتاب وتىرىسىندا قارالدى.

«قالادا اۋرۋدىڭ كۇرت ءوسۋىن تىركەيمىز. 54 ناۋقاستان الىنعان سىنامانىڭ الدىن-الا تالداۋى ولاردىڭ 56%-ىندا ءۇندى شتاممىنىڭ ىقتيمالدىعى بار ەكەنىن كورسەتەدى. مۋتاتسيانىڭ جاڭا ءتۇرى ەڭ قاۋىپتى، ويتكەنى ءولىم قاۋپى جوعارى، ادامنىڭ يممۋنيتەتىنە قاتتى اسەر ەتەدى. ال 39%-ى بريتاندىق شتاممعا يە. پاتسيەنتتەردىڭ 80%-دان استامىندا ء(ۇندى، بريتاندىق شتاممدار) كلينيكالىق كورىنىستەر بار، ونىڭ ىشىندە 20 ناۋقاس اۋرۋحاناعا جاتقىزىلدى، 20%-ىندا سيمپتومدار جوق، ونىڭ ىشىندە 1 ناۋقاس اۋرۋحاناعا جاتقىزىلدى.

كوپشىلىگى – دارىگەرگە كورىنگەن. سىرتتان كەلگەن التى ناۋقاس بار: رەسەي، اۋعانستان، تۇركىستان، اقمولا وبلىسى – 2، شقو»، دەدى ەلوردانىڭ باس مەملەكەتتىك سانيتارلىق دارىگەرى سارحات بەيسەنوۆا.

ەلوردا اكىمى التاي كولگىنوۆ كوممۋنالدىق قىزمەتتەردىڭ، قۇرىلىس كومپانيالارىنىڭ باسشىلارىمەن، مەكتەپ/بالاباقشا، كوللەدج، ءسوو/سۇ/بازار ديرەكتورلارىمەن، ۇەۇ جانە باسقا دا ءىرى كاسىپورىنداردىڭ وكىلدەرىمەن كەزدەستى. جۇرتتىڭ قاۋىپسىزدىگىن قامتاماسىز ەتۋ جانە كوروناۆيرۋستىڭ تارالۋىنا جول بەرمەۋ ماقساتىندا ەڭبەك ۇجىمدارىن ۆاكتسيناتسيالاۋ قاجەتتىلىگى ايتىلدى. ۇجىمدىق يممۋنيتەتتى قالىپتاستىرۋ كەزىندە عانا ولاردىڭ قىزمەتى توقتاتىلمايدى. ەگىلگەندەردىڭ سانى از بولعان جاعدايدا، وسى نىسانداعى جۇمىستار توقتاتىلادى.

ءۇندى شتاممىنىڭ جۇقپالى جانە تەز تارالاتىنىن ەسكەرە وتىرىپ، قالادا قوسىمشا شەكتەۋلەر ەنگىزىلەدى.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار