وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا سۇيەنسەك, 37 جاستاعى ەر ادام تانىسىنىڭ «NOKIA» ماركالى تەلەفونىن ۇرلاعان.
«جابىرلەنۋشى ماحامبەت اۋداندىق پوليتسيا بولىمىنە ارىزدانىپ, قۇنى 25 مىڭ تەڭگە تۇراتىن «NOKIA» ماركالى تەلەفونىن بىرەۋ ۇرلاپ كەتكەنىن ايتقان. سوڭعى رەت ونىڭ ۇيىندە 37 جاستاعى تانىسى قوناقتا بولىپتى. ولار بىرگە ىشىمدىك ىشكەن سوڭ جابىرلەنۋشى ۇيىقتاپ قالعان. ال, كۇدىكتى ازامات «ۇيالى تەلەفوندى ويناپ الىپ كەتتىم» دەپ اقتالىپ, كەلەسى كۇنى پوليتسيا قىزمەتكەرلەرى ارقىلى تەلەفوندى قايتارىپ بەرگەن. تەكسەرۋ كەزىندە كۇدىكتىنىڭ بۇرىن دا سوتتى بولعانى انىقتالدى. سوتتالۋشىنىڭ كىناسى سوت تەرگەۋىندە زەرتتەلگەن ءىس ماتەريالدارىمەن دالەلدەندى» دەپ حابارلادى دەپارتامەنتتىڭ ءباسپاسوز قىزمەتى.
كۇدىكتى قر قىلمىستىق كودەكسىنىڭ 188-بابىمەن (ۇرلىق) كىنالى دەپ تانىلىپ, وعان تۇپكىلىكتى ەكى جىل مەرزىمگە باس بوستاندىعىنان ايىرۋ جازاسى تاعايىندالدى.
