بۇل ناۋقاستا قاۋىپتى ىندەتتىڭ ۇندىستاندىق نۇسقاسىن انىقتاۋ ءۇشىن قاجەت. دۇنيەجۇزىلىك دەنساۋلىق ساقتاۋ ۇيىمى ونى دەلتا ۆيرۋس دەپ اتادى. ۆيرۋستىڭ بۇل ءتۇرى وزگەلەرگە قاراعاندا تەز تارايدى. ماسەلەن, ۇلىبريتانيادا «دەلتا ۆيرۋس» جاڭادان تىركەلگەن دىمكاس جانداردىڭ 96 پروتسەنتىندە تابىلسا, گەرمانيادا 6 پروتسەنت ناۋقاستا انىقتالعان. سونىڭ وزىندە نەمىس ساراپشىلارى الدەن دابىل قاعا باستادى. جەرگىلىكتى بيلىك ايماقتاعى ەپيداحۋالدىڭ وڭالعانىنا قاراماستان شەكتەۋ شارالارىن جەڭىلدەتۋگە اسىعار ەمەس. كەڭسەلەر مەن مەكتەپتەردە ءالى دە ماسكا تاعۋ رەجيمى ساقتالعان. ويكەنى ساراپشىلار كۇزگە قاراي ايماقتا دەلتا ۆيرۋس ءورشىپ كەتۋى مۇمكىن دەپ بولجاپ وتىر.
