قوعام • 22 ماۋسىم، 2021

ەلىمىزدە ۆولونتەرلىك قىزمەتتى قولداۋ ستاندارتى ازىرلەنەدى – ايدا بالاەۆا

12 رەت كورسەتىلدى

ەلىمىزدە ۆولونتەرلىك قىزمەتتى قولداۋ ستاندارتى ازىرلەنەدى. بۇل تۋرالى ۇكىمەت وتىرىسىندا قر اقپارات جانە قوعامدىق دامۋ ءمينيسترى ايدا بالاەۆا ايتتى، دەپ حابارلايدى Egemen.kz.

«ەل پرەزيدەنتىنىڭ باستاماسىمەن قولعا الىنعان ۆولەنتەرلىك قوزعالىس بۇگىندە جالپىحالىقتىق قولداۋعا يە بولعان جوباعا اينالدى. اسىرەسە، بىلتىرعى پاندەميا كەزىندە حالىقتىڭ شىنايى قايىرىمدىلىق قاسيەتى مەن ەلگە دەگەن جەكە جاۋاپكەرشىلىگى ەرەكشە ءبىلىندى. وسى 1 جىلدىڭ ىشىندە ۆولونتەرلىك قىزمەتتىڭ قارقىنى ارتىپ، باعدارلامالار مەن جوبالاردىڭ اۋقىمى ايتارلىقتاي كەڭەيە ءتۇستى. اتاپ ايتقاندا، ۆولونتەرلىك ۇيىمداردىڭ سانى 3 ەسەگە، ەرىكتىلەر قاتارى 4 ەسەگە كوبەيدى. پاندەميا كەزىندە 500 مىڭعا جۋىق ازامات ۆولونتەرلىك قىزمەتكە قاتىسىپ، 1 ملن-نان استام جانعا ناقتى كومەك كورسەتىلدى. 80 مىڭنان استام ازىق-ت ۇلىك سەبەتى، 4،5 ملن مەديتسينالىق جابدىق تاراتىلدى»، دەدى مينيستر.

ونىڭ ايتۋىنشا، وسى قالىپتاسقان اۋقىمدى مۇمكىندىكتەر مەن ادامي رەسۋرستى ساقتاي وتىرىپ، ۆولونتەرلىكتى دامىتۋدىڭ جول كارتاسى اياسىندا ەرىكتىلەر قوزعالىسىن قولداۋ بيىل دا ءوز جالعاسىن تاۋىپ جاتىر.

«بۇل Nur Otan پارتياسىنىڭ دا سايلاۋالدى باعدارلاماسىندا كورسەتىلگەن باسىمدىقتاردىڭ ءبىرى. جول كارتاسىنىڭ كەشەندى ءىس-شارالار توپتاماسى اياسىندا بىرقاتار باعىت ايقىندالدى. اتاپ ايتقاندا، ءبىرىنشى – زاڭنامالىق دەڭگەيدە وزگەرىستەر ەنگىزۋ. ونىڭ اياسىندا وقۋعا تاپسىرۋ مەن جۇمىسقا ورنالاسۋ كەزىندە جەڭىلدىكتەر قاراستىرۋ، ۆولونتەرلەردىڭ قۇقىعى مەن مىندەتتەرىن كەڭەيتۋ، ەرىكتىلەردىڭ ەڭ تومەنگى جاس شەگىن بەلگىلەۋ جانە كورپوراتيۆتىك ۆولونتەرلىك نورمالارى سياقتى جاڭاشىلدىقتار دا قاراستىرىلعان. جاريا تالقىلاۋدان وتكەن سوڭ زاڭ جوباسى 1-شىلدەگە دەيىن ۇكىمەت قاراۋىنا ەنگىزىلەتىن بولادى. بۇعان قوسا، ۆولونتەرلىك قىزمەتتى قولداۋ ستاندارتى ازىرلەنىپ، ونىڭ نەگىزىندە مەملەكەتتك ورگاندارعا وسى باعىت بويىنشا ءتيىستى باعىت-باعدار بەرىلەتىن بولادى»، دەدى ايدا بالاەۆا.

ءمينيستردىڭ ايتۋىنشا، ەكىنشى – ۆولونتەرلىك ينفراقۇرىلىم.

«ۆولونتەرلەر قۇرعان رەسپۋبليكالىق جانە 17 وڭىرلىك فرونت-كەڭسەلەر ءوز جۇمىسىن جالعاستىرۋدا. بيىلعى جىلدىڭ 1-جارتىجىلدىعىندا 113 مىڭنان استام ۆولونتەردىڭ قاتىسۋىمەن 6 مىڭعا جۋىق ءىس-شارا وتكىزىلدى. ءۇشىنشى – ۆولونتەرلىك جوبالار مەن باستامالاردى ىسكە اسىرۋ. جول كارتاسى اياسىندا جالپى سوماسى 528،3 ملن تەڭگەنى قۇرايتىن 40-تان استام جوبانى ىسكە اسىرۋ قاراستىرىلعان. اقپارات مينيسترلىگى تاراپىنان 13 ۆولونتەرلىك جوباعا 438،6 ملن تەڭگە ءبولىنىپ وتىر. ونىڭ اياسىندا جانۋارلارعا جاناشىرلىقتى كوزدەيتىن «بىرگە ايالا»، اعا ۇرپاقتى ۆولونتەرلىك قىزمەتكە شاقىراتىن «كۇمىس» ۆولونتەرلىك جوبالارى، سونىمەن قاتار باسقا دا وزەكتى تاقىرىپتار بويىنشا 130-دان استام شاعىن گرانتتار قاراستىرىلعان»، دەدى ول.

سوڭعى جاڭالىقتار

قورجىن تولا – قولا

TOKYO2020 • بۇگىن، 23:12

ەلشىنىڭ ەڭبەگى مەن ەرلىگى

تاريح • بۇگىن، 23:09

الىمجەتتىك ازايعانىمەن...

قازاقستان • بۇگىن، 22:40

ءبىر قۋانتىپ، ءبىر مۇڭايتقان سالا

ەكونوميكا • بۇگىن، 21:52

اقتوبەدە قوقىس پوليگونى ورتەندى

ايماقتار • بۇگىن، 19:58

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار