قوعام • 22 ماۋسىم، 2021

اقپارات جانە قوعامدىق دامۋ سالاسىنداعى قوعامدىق كەڭەستىڭ قۇرامى جاڭارتىلدى

17 رەت كورسەتىلدى

اقپارات جانە قوعامدىق دامۋ مينيسترلىگىندە ونلاين فورماتا جانە جاڭارتىلعان قۇرامدا اقپارات جانە قوعامدىق دامۋ سالاسىنداعى قوعامدىق كەڭەستىڭ كەزەكتى وتىرىسى ءوتتى، دەپ حابارلايدى Egemen.kz.

اتاپ ايتقاندا، «قوعامدىق كەڭەستەر تۋرالى» قر زاڭىنا سايكەس قوعامدىق كەڭەس مۇشەلەرىن سايلاۋ تۋرالى كونكۋرس وتكىزىلىپ، قۇرامىنىڭ ۇشتەن ءبىر بولىگى جاڭارتىلعان بولاتىن.

كونسۋلتاتيۆتىك-كەڭەسشى ورگاننىڭ قۇرامىنا قازاقستان رەسپۋبليكاسىنداعى ادام قۇقىقتارى جونىندەگى ۋاكىل ەلۆيرا ءازىموۆا، قر پارلامەنتى ءماجىلىسىنىڭ دەپۋتاتى ۆەرا كيم، «Zertteu research institute» قوعامدىق قورىنىڭ ديرەكتورى شولپان ايتەنوۆا، قازاقستانداعى پارلامەنتاريزمدى دامىتۋ قورىنىڭ پرەزيدەنتى زاۋرەش باتتالوۆا، «ۇلتتىق اۋدارما بيۋروسى» قوعامدىق قورىنىڭ ديرەكتورى راۋان كەنجەحان ۇلى، «قازاقستاننىڭ ازاماتتىق اليانسى» زتب توراعاسى بانۋ نۇرعازيەۆا، ء«بىلىم-يننوۆاتسيا» حالىقارالىق قوعامدىق قورىنىڭ پرەزيدەنتى دارحان وتە مەن «احىسكا» تۇرىك ەتنو مادەني ورتالىعىنىڭ نۇر-سۇلتان قالالىق فيليالىنىڭ توراعاسى اسكەر پيريەۆ جانە ت. ب. بەلگىلى قايراتكەرلەر مەن ۇكىمەتتىك ەمەس سەكتوردىڭ وكىلدەرى كىردى.

سونىمەن قاتار، قوعامدىق كەڭەستىڭ توراعاسى قۋانىش سۇلتانوۆ قوعامدىق كەڭەستىڭ قۇرامىندا دا، باسشىلىعىندا دا روتاتسيا جۇرگىزۋ قاجەتتىگى تۋرالى اتاپ ءوتىپ، وسىعان بايلانىستى ءوزىنىڭ قوعامدىق كەڭەس توراعاسى رەتىندە وكىلەتتىگىن توقتاتۋ تۋرالى مالىمدەدى.

قۋانىش سۇلتانوۆتىڭ پىكىرىنشە، بۇل شەشىم قوعامدىق كەڭەستىڭ جۇمىسىنا جاڭا سەرپىن بەرەدى.

اقپارات جانە قوعامدىق دامۋ ءمينيسترى ايدا بالاەۆا قۋانىش سۇلتانوۆقا جەمىستى جۇمىسى ءۇشىن العىسىن ءبىلدىردى.

اشىق داۋىس بەرۋ بارىسىندا قوعامدىق كەڭەستىڭ توراعاسى لاۋازىمىنا قر پارلامەنتى ءماجىلىسىنىڭ دەپۋتاتى دارحان مىڭباي سايلاندى.

قوعامدىق كەڭەس وتىرىسىنىڭ بارىسىندا 2021 جىلدىڭ ەكىنشى جارتى جىلدىعىنا ارنالعان جۇمىس جوسپارى تالقىلاندى. قوعامدىق كەڭەس مۇشەلەرى ءدىن سالاسىندا جۇرگىزىلىپ جاتقان مەملەكەتتىك ساياسات، ابقو قىزمەتى جونىندەگى ماسەلەلەردى قاراۋ جانە «حالىق ۇنىنە قۇلاق اساتىن مەملەكەت» تۇجىرىمداماسىن تالقىلاۋ تۋرالى ۇسىنىستار ەنگىزدى.

سوڭعى جاڭالىقتار

الىمجەتتىك ازايعانىمەن...

قازاقستان • بۇگىن، 22:40

ءبىر قۋانتىپ، ءبىر مۇڭايتقان سالا

ەكونوميكا • بۇگىن، 21:52

اقتوبەدە قوقىس پوليگونى ورتەندى

ايماقتار • بۇگىن، 19:58

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار