بۇل اقپاراتتى نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ ءباسپاسوز قىزمەتى دە راستادى.
«وكىنىشكە وراي 21 ماۋسىم كۇنى №2 قالالىق كوپبەيىندى بالالار اۋرۋحاناسىندا ەس-ءتۇسسىز جاتقان كىشكەنتاي قىز قايتىس بولدى. 1,5 جىلدان استام ۋاقىت بويى مەديتسينا قىزمەتكەرلەرى, بارلىق دارىگەرلەر ءبۇلدىرشىننىڭ ءومىرى ءۇشىن كۇرەسىپ, جانىن امان الىپ قالۋعا تىرىستى. بىراق, كىشكەنتاي قىز وتە اۋىر حالدە جاتقاندىقتان ءومىرىن ساقتاپ قالۋ مۇمكىن بولمادى», دەدى باسقارمانىڭ ءباسپاسوز حاتشىسى ايكەرىم ارداققىزى.
ەسكە سالايىق, 2020 جىلدىڭ قاڭتار ايىندا ەلوردا تۇرعىنى اناستاسيا زەلەنايا ەكى جارىم جاستاعى بالاسى ستوماتولوگيالىق كلينيكاعا قارالعاننان كەيىن ەس-ءتۇسسىز كۇيگە تۇسكەنىن حابارلاعان بولاتىن. وسىدان كەيىن ءتىس ەمحاناسىنا تەكسەرۋ جۇرگىزىلىپ بىرقاتار كەمشىلىكتەر انىقتالعان ەدى.
