شىمكەنتتە 20 ماۋسىمدا كوروناۆيرۋستىڭ 59 جاعدايى تىركەلدى. ينفەكتسيالىق ستاتسيونارعا 13 ادام جاتقىزىلىپ, 46 ادام ءۇي باقىلاۋىنا الىندى. قازىرگى تاڭدا مامانداندىرىلعان ينفەكتسيالىق ستاتسيونارلاردا بارلىعى 1 276 ورىن بار, ياعني توسەكتىك ورىن تولىمدىعى – 26%. ينفەكتسيالىق ستاتسيوناردا 338 ناۋقاس ەمدەلۋدە. ونىڭ 171-ءى كوروناۆيرۋستان, 167-ءسى پنەۆمونيادان ەمدەلۋدە, ال 12 ناۋقاس جانساقتاۋ بولىمىندە جاتىر. سوڭعى تاۋلىكتە – 1 094, جالپى وسى كۇنگە دەيىن 462 487 ادامنان پتر سىناماسى الىنعان. سونداي-اق ءۇشىنشى مەگاپوليستە ءبىر تاۋلىك ىشىندە 2 354 ادام ۆاكتسينا الدى. ەگۋ ناۋقانى باستالعالى بارلىعى 228 356 ادام ەكپە سالدىردى. ونىڭ ىشىندە 132 259 ادام ۆاكتسينانىڭ ەكى كومپونەنتىن العان.
قالا اۋماعىندا سانيتارلىق-ەپيدەميالىق تالاپتاردىڭ ساقتالۋىنا مونيتورينگ جۇرگىزەتىن 20 ءموبيلدى توپ جۇمىس ىستەيدى. ولار 20 ماۋسىم كۇنى 212 نىسانعا تەكسەرۋ جۇمىستارىن جۇرگىزگەن. ونىڭ ىشىندە 8 نىساندا كارانتين رەجىمىنىڭ تالاپتارى بۇزىلعانى انىقتالىپ, اكىمشىلىك حاتتاما تولتىرىلدى. كارانتين رەجىمىنىڭ تالاپتارىن ساقتاۋ جونىندە كۇن سايىن ەسكەرتىلىپ جاتقانىمەن توي-جيىندار تىيىلماي تۇر. مىسالى, ەڭبەكشى اۋدانى پوليتسيا باسقارماسىنىڭ قىزمەتكەرلەرى كارانتين تالاپتارىنىڭ ساقتالۋىن باقىلاۋ ماقساتىندا جۇرگىزگەن رەيدتىك ءىس-شارا كەزىندە ۇلكەن تويدىڭ ۇستىنەن ءتۇستى. ياعني جەكسەنبىنىڭ كەشىندە اۋدان اۋماعىندا ورنالاسقان Hayat تويحاناسى كارانتيندىك شەكتەۋلەردى بۇزىپ, ۇيلەنۋ تويىن وتكىزىپ جاتقانىن انىقتادى. باس سانيتارلىق دارىگەردىڭ قاۋلىسىنا باعىنباستان, ۇيىمداستىرۋشى تويعا 250 ادامنان اسا قوناق شاقىرعان. اتالعان جايت بويىنشا كارانتين تالاپتارىن ساقتاماي جۇمىسىن جالعاستىرعان تويحانا يەسى مەن توي وتكىزگەن ازاماتتان تۇسىنىكتەمە الىندى. پوليتسيا باسقارماسىنىڭ حابارلاۋىنشا, جيناقتالعان ءىس-قۇجاتتار قر اقبتك-ءنىڭ 425-بابى بويىنشا شارا قولدانۋ ءۇشىن تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جولدانعان.
شىمكەنت
