وقيعا • 21 ماۋسىم، 2021

اتىراۋ وبلىسىندا ءبىر كۇندە ەكى ادام سۋعا كەتتى

277 رەت كورسەتىلدى

وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنءىڭ اقپاراتىنا سۇيەنسەك، 20 ماۋسىمدا قۇرمانعازى جانە جىلىوي اۋداندارىندا ەكى ادام شومىلۋعا بەلگىلەنبەگەن ورىندا سۋعا باتىپ كەتكەن، دەپ حابارلايدى Egemen.kz.

«قۇرمانعازى اۋدانىنداعى 21 جاستاعى جىگىت ساعات 9:00 شاماسىندا جەكە كولىگىن جوندەتۋ ءۇشىن شورتانباي اۋىلىنداعى جۇمىستاسىنىڭ ۇيىنە بارعان. كەيىن ساعات 16:30 شاماسىندا كولىك جوندەيتىن جۇمىستاسىمەن بىرگە سۋعا ءتۇسۋ ءۇشىن قيعاش وزەنىنىڭ جاعالاۋىنا كەلگەن. كولىك يەسى ءوزەن جاعالاۋىنداعى تەمىر پيرستان سۋعا سەكىرگەن. شامالى ۋاقىتتان سوڭ سۋدان  شىقپاعان جۇرگىزۋشىگە الاڭداعان دوسى دەرەۋ جەرگىلىكتى پوليتسيا ينسپەكتورى مەن اۋىل تۇرعىندارىنا حابارلاپ، سۋعا باتقان جىگىتتى ىزدەستىرۋ جۇمىسى باستالعان»، دەپ حابارلادى دەپارتامەنتتىڭ ءباسپاسوز قىزمەتىنەن.

وقىس وقيعا تۋرالى حابار قۇرمانعازى اۋدانىنداعى №7 ءورت ءسوندىرۋ بولىمىنە ساعات 17:15-تە تۇسكەن. اۋداننىڭ جەدەل-قۇتقارۋ جاساعىنان 6 قىزمەتكەر، 1 تەحنيكا مەن 1 ءجۇزۋ قايىعى جۇمىلدىرىلىپ، كەشكى ساعات 19:00-دە سۋعا باتقان جىگىتتىڭ دەنەسى وزەننەن شىعارىلعان.

سول كۇنى جىلىوي اۋدانىندا دا 1983 جىلى تۋعان ەر ادام سۋعا باتقان.

«تۇرعىزبا اۋىلىندا ەكى جىگىت قوي كەزەگىنە شىققان. كءۇننىڭ ىستىعىنان سالقىنداۋ ءۇشىن 38 جاستاعى جىگىت جەم وزەنىنە سۋعا تۇسكەن. ول سۋعا سەكىرگەن بويدا باتىپ بارا جاتقانى تۋرالى ايعايلاپ، كومەك سۇراعان. الايدا، جاعادا قالعان ازاماتتىڭ كومەكتەسپەك بولعان ارەكەتىنەن ناتيجە شىقپاعان»، دەپ ءمالىم ەتتى ءباسپاسوز قىزمەتىنەن.

بۇل تۋرالى 112 نومىرىنە ساعات 17:20-دا حابارلانىپتى. جىلىوي اۋداندىق جەدەل-قۇتقارۋ جاساعىنىڭ 4 قىزمەتكەرى ساعات 18:03-تە سۋعا كەتكەن جىگىتتىڭ دەنەسىن جاعاعا شىعارعان.

 

سوڭعى جاڭالىقتار

الىمجەتتىك ازايعانىمەن...

قازاقستان • بۇگىن، 22:40

ءبىر قۋانتىپ، ءبىر مۇڭايتقان سالا

ەكونوميكا • بۇگىن، 21:52

اقتوبەدە قوقىس پوليگونى ورتەندى

ايماقتار • بۇگىن، 19:58

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار