قوعام • 21 ماۋسىم، 2021

«سق-فارماتسيا» قاجەتتىنىڭ ءبارىن جاسادى»: ءبىرتانوۆ سوتتا بەرىك ءشارىپتى قورعاپ كۋالىك بەردى

6 رەت كورسەتىلدى

بۇرىنعى دەنساۋلىق ساقتاۋ ءمينيسترى ەلجان ءبىرتانوۆ «سق-فارماتسيا» باسقارماسىنىڭ ەكس-توراعاسى بەرىك ءشارىپتىڭ ءىسى بويىنشا سوتتا كۋاگەر رەتىندە ءسوز سويلەدى، دەپ حابارلايدى Egemen.kz.

مەن «سق-فارماتسيا» مەن بەرىك ءشارىپتىڭ ەش ولقىلىق جاساماعانىنا سەنىمدىمىن، اسىرەسە قاساقانا. فورس-ماجور بولدى، بۇل قىتايداعى پروتسەستەردىڭ ورىندالماۋىنان بولدى. قىتاي قازاقستانمەن كەلىسىمشارت تالاپتارىن بۇزدى. تيىسىنشە، قازاقستان تاراپى «سق-فارماتسيامەن» جەتكىزۋ مەرزىمىن بۇزدى. بۇل ازاماتتىق-قۇقىقتىق قاتىناستار، وندايلار بولىپ تۇرادى. بۇل – فورس-ماجور جاعداي، كەلىسىمشارت جاساسقان «سق-فارماتسيا» قازاقستانعا وسى جەتكىزىلىمدى جەدەلدەتۋ ءۇشىن قاجەتتىنىڭ ءبارىن جاسادى جانە ءبىز پرەمەر-ءمينيستردى قوسا العاندا، وسىعان كۋامىز. بىراق، وكىنىشكە قاراي، وبەكتيۆتى جاعدايعا بايلانىستى قىتاي جاعىندا كەدەندىك راسىمدەۋ بۇزىلدى»، دەدى ءبىرتانوۆ سوت وتىرىسىندا.

ونىڭ ايتۋىنشا،  بەرىك ءشارىپتىڭ ەش كىناسى جوق.

«بەرىك ءشارىپ جەرگىلىكتى تاۋار وندىرۋشىلەر ءۇشىن 60 كۇن جانە شەتەلدىك تاۋار وندىرۋشىلەرگە 90 كۇن مەرزىمى بويىنشا بەلگىلەنگەن ۋاقىت تارتىبىمەن تاۋەكەلگە بارا المادى، ءبىز اسىقتىرا باستادىق، بارلىق ەلشى بۇكىل الەم بويىنشا ماتا مەن ماسكالار ىزدەدى. كەلىسىمشارتقا قول قويىلعانى بەلگىلى بولعاندا مەن قوسىلدىم. مۇنداي جاعدايدا، مەنىڭ ويىمشا، بەرىك ءشارىپتىڭ ەش كىناسى جوق. كەرىسىنشە، ول وسى كەلىسىمشارت بويىنشا جەكە قورعانۋ قۇرالدارىن جەتكىزۋدى جەدەلدەتۋ ءۇشىن قولدان كەلگەننىڭ ءبارىن جاسادى»، دەدى ءبىرتانوۆ.

سونداي-اق ول بەرىك ءشارىپتى ادال قىزمەتكەر دەپ سانايتىنىن دا ايتتى.

«مەن ونى ادال قىزمەتكەر دەپ سانايمىن. مەنىڭ تاراپىمنان قورقىتۋ يا پسيحيكاسىنا قىسىم بولماعانىن باسقا ارىپتەستەرىم دە راستاي الادى. مەن ءۇشىن سول كەزدە دە، قازىر دە تەندەردى كىم جەڭەتىنى ماڭىزدى بولماعان. بەرىك ءشارىپ ۇلى ەكى جىل باسقارما مىندەتىن اتقارۋشى بولدى. وسى ۋاقىت ىشىندە ميللياردتاعان دوللارعا كەلىسىمشارتتار جاسالدى، بىردە-ءبىر كومپانياعا ارتىقشىلىق بەرىلمەدى. باسقا كومپانيالاردان ەشقانداي شاعىم تۇسكەن جوق»، دەدى دەنساۋلىق ساقتاۋ مينيسترلىگىنىڭ بۇرىنعى باسشىسى.

ەسكە سالايىق، 2020 جىلى تامىزدا «سق-فارماتسيا» جشس-ءنىڭ بۇرىنعى باسقارما توراعاسى بەرىك ءشارىپتىڭ ۇستالعانى بەلگىلى بولدى. وسىدان بىرنەشە كۇن بۇرىن پرەزيدەنت قاسىم-جومارت توقاەۆ «سق-فارماتسيا» توڭىرەگىندە كلاندىق مۇددەلەر بار ەكەنىن مالىمدەدى.

ءشارىپ قازىر دارىگەرلەردىڭ جاپپاي ۆيرۋس جۇقتىرۋىنا كىنالى دەپ ايىپتالىپ وتىر، ويتكەنى ول قورعانىس قۇرالدارىن جەتكىلىكتى دەڭگەيدە ۋاقىتىندا اكەلمەدى. ايىپتاۋ نۇسقاسى بويىنشا، بۇل ەكى مىڭ مەديتسينا قىزمەتكەرىنىڭ كوروناۆيرۋس جۇقتىرۋىنا سەبەپ بولدى.

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار