ەكونوميكا • 21 ماۋسىم، 2021

بيۋدجەت قاراجاتىن ءتيىمسىز پايدالانۋ پراكتيكاسى جالعاسىپ كەلەدى – ا.جامالوۆ

15 رەت كورسەتىلدى

ۇكىمەت ءالى ستراتەگيالىق ماقساتتار مەن بيۋدجەت شىعىستارىنىڭ تيىمدىلىگىن باعالايتىن ادىستەمەنى قابىلداعان جوق. بۇل تۋرالى پارلامەنت پالاتالارىنىڭ بىرلەسكەن وتىرىسىندا ءماجىلىس دەپۋتاتى امانجان جامالوۆ ايتتى، دەپ حابارلايدى Egemen.kz.

«2020 جىلى COVID-19-عا قارسى كۇرەسكە 6،9 ترلن تەڭگە، ونىڭ ىشىندە رەسپۋبليكالىق بيۋدجەتتەن 3،5 ترلن تەڭگە ءبولىندى. بۇل سومالار قالاي يگەرىلدى؟ ەسەپ كوميتەتىنىڭ دەرەكتەرى بويىنشا ولاردى يگەرۋ كەزىندە كوپتەگەن تالاپتاردى بۇزۋشىلىقتارعا جول بەرىلگەن. مەنىڭ ارىپتەستەرىم داعدارىسقا قارسى شارالارعا بولىنگەن شىعىستار تيىمدىلىگىنىڭ تومەن ەكەندىگى تۋرالى بىرنەشە رەت ايتتى. بۇل – «جۇمىسپەن قامتۋدىڭ جول كارتاسىنا»، «بيزنەستىڭ جول كارتاسىنا» جانە تاعى باسقا جوبالارعا قاتىستى»،  دەدى ا. جامالوۆ ۇكىمەت پەن ەسەپ كوميتەتىنىڭ 2020 جىلعا ارنالعان رەسپۋبليكالىق بيۋدجەتتىڭ اتقارىلۋى تۋرالى ەسەپتەرىن قاراۋ كەزىندە.

سونىمەن قاتار دەپۋتات بيۋدجەت قاراجاتىن ءتيىمسىز پايدالانۋ پراكتيكاسى جالعاسىپ وتىرعانىن ايتتى.

«2020 جىلى ول 569 ملرد تەڭگەنى قۇرادى، ياعني 2019 جىلعا قاراعاندا 33%-عا ارتىق. ونىڭ 10 پايىزى، ياعني 56 ملرد تەڭگەسى كۆازيمەملەكەتتىك سەكتورعا قاتىستى. ءبىر قاراعاندا، ولاي بولۋى مۇمكىن ەمەس بولىپ كورىنەدى، ويتكەنى ولار بيۋدجەتتىك ۇيىمدار ەمەس، كاسىپكەرلىك سۋبەكتىلەر»،  دەدى ول.

ا. جامالوۆتىڭ پايىمىنشا، وتكەن جىلدارداعىداي ستراتەگيالىق جانە بيۋدجەتتىك جوسپارلاۋ اراسىندا ءتيىستى ءوزارا بايلانىستىڭ بولماۋ پروبلەماسى ساقتالىپ وتىر.

«كوبىنەسە مەملەكەتتىك ورگاندار وزدەرىنە وڭاي كورسەتكىشتەردى بەلگىلەيدى. مىسالى، قاناعاتتانۋ دەڭگەيى، ساپا دەڭگەيى، قولداۋ دەڭگەيى. ولاردىڭ نەگىزى – الەۋمەتتىك زەرتتەۋلەر. ولاردى مەملەكەتتىك ورگانداردىڭ تاعى دا بيۋدجەت قاراجاتىنا جۇرگىزەدى. وكىنىشكە قاراي، ۇكىمەت ءالى كۇنگە دەيىن ستراتەگيالىق ماقساتتار مەن بيۋدجەت شىعىستارىنىڭ تيىمدىلىگىن باعالايتىن ادىستەمەنى قابىلداعان جوق، ول بيۋدجەتتىڭ اتقارىلۋ ساپاسىنا اسەر ەتەدى»، دەدى دەپۋتات.

 

سوڭعى جاڭالىقتار

«ساتەمىر حان» كىم؟

رۋحانيات • بۇگىن، 23:30

«ەسىل وزەن»

ونەر • بۇگىن، 23:22

تسەنزور دەگەن بولعان...

قوعام • بۇگىن، 23:12

تاسادا قالعان تۇلعا

تاريح • بۇگىن، 22:55

ساحنا سۋرەتكەرى

ونەر • بۇگىن، 22:30

ەرتەڭ ۇكىمەت وتىرىسى وتەدى

ۇكىمەت • بۇگىن، 15:00

ۇقساس جاڭالىقتار