وقيعا • 21 ماۋسىم، 2021

الماتى وبلىسىندا Kolsay CBT Workshop سەمينارى ءوتتى

31 رەت كورسەتىلدى

Kazakh Tourism ۇك اق الماتى وبلىسىنىڭ تۋريزم باسقارماسى جانە قازاقستاندىق تۋريزم اسسوتسياتسيامەن بىرلەسىپ «كولساي كولدەرى» ۇلتتىق پاركىندە تۋريست قابىلدايتىن ءۇي يەلەرى ءۇشىن العاشقى پراكتيكالىق سەمينار وتكىزدى، دەپ حابارلايدى Egemen.kz.

ءۇش كۇندىك ءىس-شارا شەڭبەرىندە قازاقستاندىق تۋروپەراتورلار مەن باسقا وڭىرلەردەن كەلگەن تۋريست قابىلدايتىن ءۇي يەلەرى ءۇشىن اقپاراتتىق تۋر، اۋىلداردا تاماقتاندىرۋدى ۇيىمداستىرۋ، قولونەرشىلىك جانە ءتۋريزمدى تۇراقتى دامىتۋ بويىنشا وقىتۋ ترەنينگتەرى مەن سەمينارلار ۇيىمداستىرىلدى.

«قازاقستان بيىل CBT ءتۋريزمىنىڭ باعىتى رەتىندە Lonely Planet ءىرى حالىقارالىق باسىلىمى بويىنشا ۇزدىك دەستيناتسيالارى تىزىمىنە ەندى. ياعني، ءبىزدىڭ ەلىمىزدە، دالىرەك ايتساق، كولساي مەن الماتى وبلىسىنىڭ باسقا بولىكتەرىندە الەمدەگى ەڭ جاقسى قوناق ۇيلەردىڭ ءبىرى بار»، دەيدى قازاقستان تۋريستىك اسسوتسياتسياسىنىڭ ديرەكتورى راشيدا شايكەنوۆا.

سونىمەن قاتار مادەنيەت جانە سپورت مينيسترلىگى تاراپىنان جاقىندا قابىلدانعان تۋريزم سالاسىنداعى مەملەكەتتىك قولداۋدىڭ جاڭا شارالارىن ءتۇسىندىرۋ بويىنشا جەرگىلىكتى قوعامداستىقپەن كەزدەسۋى ءوتتى.

«تۋريستىك وبەكتىلەردى سالۋعا نەمەسە قايتا جاڭارتۋعا، تۋريستىك كولىك ساتىپ الۋعا، جول بويىنداعى سەرۆيس وبەكتىلەرىن سالۋعا جانە ولاردى كۇتىپ-ۇستاۋعا، تۋريستىك الىمدى اكىمشىلەندىرۋدى جەرگىلىكتى اتقارۋشى ورگاندار جۇزەگە اسىرادى دەپ جوسپارلانۋدا. بۇل شارالار 2022 جىلدىڭ قاڭتارىنان باستاپ كۇشىنە ەنەدى»، دەدى مسم تۋريزم يندۋسترياسى كوميتەتى توراعاسىنىڭ ورىنباسارى ايدوس ساكەنوۆ.

الماتى وبلىسى تۋريزم باسقارماسىنىڭ باسشىسى جانار الشىمباەۆا الماتى وبلىسى ەلىمىزدە ەكوتۋريزمدى دامىتۋ، سونىڭ ىشىندە تۋريست قابىلدايتىن ۇيلەر سانى بويىنشا كوشباسشىعا اينالعانىن اتاپ ءوتتى.

«بۇل كوپ جىلعى ەڭبەكتىڭ، جەرگىلىكتى حالىقتى ۇزدىكسىز وقىتۋدىڭ جانە ءوڭىردىڭ ويلاستىرىلعان ستراتەگياسىنىڭ ناتيجەسى. قابىلدانعان قولداۋ شارالارى ءبىزدىڭ سالانى جاڭا ساپالى دەڭگەيگە شىعارۋعا كومەكتەسەدى»، دەيدى ول.

قازىرگى ۋاقىتتىڭ ۇردىستتەرىنە سايكەس، ەكوتۋريزم بۇكىل الەمدە ءتۋريزمنىڭ باسىم تۇرىنە اينالدى، ول الەمدىك اعىننىڭ 30% قۇرايدى. قازاقستاندا دا ەكوتۋريستەر ۇلەسىنىڭ ۇلعايۋى بايقالادى. بارلىق ىشكى تۋريستىك اعىننىڭ شامامەن 20%-ى ۇلتتىق پاركتەرگە تيەسىلى.

«كولساي كولدەرى» ۇلتتىق پاركى، اتاپ ايتقاندا ساتى اۋىلى، بۇل جەرگىلىكتى حالىقتىڭ تۋريستەردەن ەكونوميكالىق، الەۋمەتتىك جانە وزگە دە ناقتى پايدا الا وتىرىپ، ءتۋريزمدى دامىتۋعا قالاي تارتىلۋى مۇمكىن ەكەندىگىنىڭ ايقىن مىسالى. ءبىز ءتۋريزمنىڭ وسى ءتۇرىن تانىمال ەتۋگە جانە ساتى تاجىريبەسىن بۇكىل قازاقستانعا كورسەتكىمىز كەلەدى»، دەيدى Kazakh Tourism ۇك اق تۋريستىك ونىمدەردى دامىتۋ دەپارتامەنتىنءىڭ ديرەكتورى دانيەل سەرجان ۇلى.

ءبىر قىزىعى، ەكى جىل بۇرىن ساتى اۋىلىندا بارلىعى 53 تۋريست قابىلدايتىن ءۇي جۇمىس ىستەدى، ال قازىر ولاردىڭ سانى 81-گە جەتتى. قوناق ۇيلەر سانى دا وسۋدە، ەگەر 2019 جىلى مۇندا 8 نىسان بولسا، بيىل 29 قوناق ءۇي جۇمىس ىستەيدى.

بيىل ەءلىمىزءدىڭ تاۋەلسىزدىگىنىڭ 30 جىلدىعى مەرەكەسى، وسىعان ءدال ساتى اۋىلىندا Kolsay CBT Workshop ءىس-شارا اياسىندا 23 ءنومىرلى 30-شى قوناق ءۇيدىڭ سالتاناتتى اشىلۋى ءوتتى. سونىمەن قاتار قايتا قۇرۋ مەن كەڭەيتۋدەن كەيىن 160 ورىندىق ەكو-قوناق ءۇي اشىلدى.

سونداي-اق ءىس-شارا شەڭبەرىندە پاكەتتەلگەن تۋريستىك ۇسىنىستاردى ورنالاستىرۋعا ارنالعان Forte Travel ءموبيلدى قوسىمشاسى تانىستىرىلدى. تۋربيزنەس وكىلدەرى اتاپ وتكەندەي، مۇنداي قۇرال حالىقتىڭ جوسپارلانعان دەمالىس مادەنيەتىن ارتتىرۋعا مۇمكىندىك بەرەدى.

ءىس-شاراعا بيزنەس-قوعامداستىقتان باسقا «اتامەكەن» ۇلتتىق كاسىپكەرلەر پالاتاسى، سونداي-اق اقتوبە، قاراعاندى، شىعىس قازاقستان، تۇركىستان وبلىستارىنىڭ سالالىق تۋريزم باسقارمالارىنىڭ وكىلدەرى قاتىستى.

سوڭعى جاڭالىقتار

ءبىر قۋانتىپ، ءبىر مۇڭايتقان سالا

ەكونوميكا • بۇگىن، 21:52

اقتوبەدە قوقىس پوليگونى ورتەندى

ايماقتار • بۇگىن، 19:58

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار