«ازىق-ت ۇلىك قاۋىپسىزدىگى دەڭگەيىن ارتتىرۋ جۇمىسى بەلسەندى ءجۇرىپ جاتىر. 29 نەگىزگى ازىق-ت ۇلىك تاۋارىنىڭ 11-ءى - 100 پايىزدان اسا قامتاماسىز ەتىلگەن, ال 12 تاۋار بويىنشا – 80 پايىزدان ارتىق. 6 تاۋار بويىنشا يمپورتقا تاۋەلدىلىك بار. ونى ازايتۋ ءۇشىن ازىق-ت ۇلىك تاۋارلارى ءوندىرىسىن ۇلعايتۋ بويىنشا كەشەندى جوسپار ىسكە اسىرىلىپ جاتىر», دەدى اسقار مامين.
ۇكىمەت باسشىسىنىڭ دەرەگىنشە, بيىل 35 ءسۇت-تاۋارلى فەرمانى, 2 200 گەكتار باۋ-باقشا, 2 ەت كومبيناتىن, 5 قۇس فابريكاسىن, 4 بالىق ءوندىرىسى وبەكتىسىن ىسكە قوسۋ جوسپارلانعان.
«سونىمەن قاتار 2022-2023 جىلدارى تاعى 70 ءسۇت-تاۋارلى فەرماسىن, 4 400 گەكتار باۋ-باقشا, 4 ەت كومبيناتىن, 6 قۇس فابريكاسىن, 4 بالىق ءوندىرىسى وبەكتىسىن جانە ءبىر قانت زاۋىتىن ىسكە قوسۋ جوسپارلانعان. وسىنىڭ بارلىعى 2024 جىلعا قاراي نەگىزگى ازىق-ت ۇلىك تاۋارلارى بويىنشا ىشكى نارىقتى تولىق ءوزىن-ءوزى قامتاماسىز ەتۋگە مۇمكىندىك بەرەدى», دەدى پرەمەر-مينيستر.
ونىڭ اتاپ وتۋىنشە, بيىل مامىردا ازىق-ت ۇلىك تاۋارلارىنىڭ باعاسى الەمدە جىلدىق ماندە شامامەن 40 پايىزعا ءوستى.
«ال قازاقستاندا قابىلدانعان شارالاردىڭ ارقاسىندا ازىق-ت ۇلىك ينفلياتسياسى 9,3 پايىزدى قۇرادى. وسى باعىتتاعى جۇمىس ودان ءارى جالعاسادى», دەدى ول.
