قازاقستان • 21 ماۋسىم، 2021

فورۆاردتىق ساتىپ الۋ نان باعاسىن تۇراقتاندىرۋعا مۇمكىندىك بەرەدى – اشم

11 رەت كورسەتىلدى

فورۆاردتىق ساتىپ الۋ تاجىريبەسى فەرمەرلەر اراسىندا ۇلكەن سۇرانىسقا يە بولىپ، بىرقاتار الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋعا مۇمكىندىك بەرىپ وتىر، دەپ حابارلايدى Egemen.kz.

2020 جىلدىڭ قورىتىندىسى بويىنشا فورۆاردتىق ساتىپ الۋ باعدارلاماسى اۋىل شارۋاشىلىعى وندىرۋشىلەرى اراسىندا جوعارى سۇرانىسقا يە بولىپ، اۋىل شارۋاشىلىعى سۋبەكتىلەرىنە كرەديت بەرۋ تاپشىلىعى جاعدايىندا قارجىلاندىرۋدىڭ قولجەتىمدى قۇرالى بولدى.

باعدارلاما بويىنشا 2020 جىلى 300-دەن استام اۋىل شارۋاشىلىعى وندىرۋشىلەرى قارجىلاندىرىلىپ، 480 مىڭ توننادان استام استىق ساتىپ الىندى.

اعىمداعى جىلدىڭ باسىنان باستاپ «ازىق-ت ۇلىك كەلىسىمشارت كورپوراتسياسى» ۇك» اق ءوزىنىڭ ىشكى نارىقتى تۇراقتاندىرۋ بويىنشا نەگىزگى فۋنكتسيالارىن ورىنداۋ اياسىندا ساتىپ الىنعان كولەمدەر ەسەبىنەن 410 مىڭ توننادان استام استىق ساتقان.

ونىڭ 325 مىڭ تونناسى ۇن تارتۋ كومپانيالارىنا ساتىلدى. وسىنىڭ ناتيجەسىندە 2021 جىلى نان باعاسىنىڭ كۇرت قىمباتتاۋى بايقالمايدى، ۇنعا قاتىستى جانە استىق ەكسپورتىن جابۋ نەمەسە شەكتەۋ تۋرالى دا سۇراقتار تۋىنداعان جوق.

سونداي-اق ازىق-ت ۇلىك كورپوراتسياسى فورۆاردتىق ساتىپ الۋ باعدارلاماسى اياسىندا الىنعان استىقتان جەمشوپ قورىن قۇردى. اتالمىش قوردان مال شارۋاشىلىعى جانە قۇس شارۋاشىلىعى كاسىپورىندارىنىڭ قاجەتتىلىكتەرى ءۇشىن 4 سىنىپتى 17 مىڭ توننا بيداي جانە 24 مىڭ توننا ارپا ساتىلدى.

نارىقتاعى باعانىڭ ماۋسىمدىق وسۋىنە قاراماستان، اكىمدىكتەردىڭ وتىنىمدەرى بويىنشا 20-عا جۋىق مال شارۋاشىلىعى كاسىپورىندارىنا بەلگىلەنگەن باعاداعى جالپى كولەمى 23 مىڭ توننادان استام 4 كلاستى ارپا مەن بيداي جەتكىزىلدى.

اتاپ ايتقاندا، ازىق-ت ۇلىك كەلىسىمشارت كورپوراتسياسى ماڭعىستاۋ وبلىسىنداعى جەم-ءشوپتىڭ جەتىسپەۋشىلىگى بويىنشا قالىپتاسقان جاعدايعا بايلانىستى فەرمەرلىك شارۋاشىلىقتاردى قولداۋ ءۇشىن نارىقتىق باعادان 17%-عا تومەن باعاداعى جەمدىك استىقتى جەتكىزۋ تۋرالى جەدەل شارالار قابىلدادى. قابىلداۋعا جانە ونى ودان ءارى مال شارۋاشىلىقتارى اراسىندا تاراتۋعا ىڭعايلى بولۋ ءۇشىن ارپا الدىن-الا 50 كگ قاپشىققا ءبولىپ سالىندى.

قازىرگى ۋاقىتتا قىزىلوردا وبلىسىنىڭ مال شارۋاشىلىعى كاسىپورىندارىنا دا ارپا جەتكىزۋ جۇمىستارى جۇرگىزىلىپ جاتىر.

ازىق-ت ۇلىك كورپوراتسياسىنا جۇگىنگەن 15 قۇس فابريكاسىنا 66 مىڭ توننادان استام استىق ساتىلدى. استىق ساتىپ الۋشىلار اراسىندا جۇمىرتقا باعىتىنداعى 9 قۇس فابريكاسى جانە ەت باعىتىنداعى 6 قۇس فابريكاسى بار.

مىسالى، ورتالىق ازياداعى ەڭ ءىرى قۇس فابريكاسى - «ماكينسك قۇس فابريكاسى» جشس –شيكىزاتتىڭ نەگىزگى جەتكىزۋشىسى رەتىندە ازىق-ت ۇلىك كورپوراتسياسىن تاڭدادى. كاسىپورىنعا استىق بەلگىلەنگەن باعالار بويىنشا تۇراقتى تۇردە جەتكىزىلىپ وتىرادى، بۇل ماۋسىم بويى تۇپكىلىكتى ءونىمنىڭ قۇنىن جوسپارلاۋعا مۇمكىندىك بەرەدى.

ءداستۇرلى داقىلداردان(بيداي، ارپا) باسقا ازىق-ت ۇلىك كەلىسىم شارت كورپوراتسياسى 5،3 مىڭ توننا كۇنباعىس جانە 300 توننا قاراقۇمىق ساتىپ الدى. كورپوراتسيا بۇل كولەمدەردى ىشكى نارىقتى كۇنباعىس مايى مەن قاراقۇمىق جارماسىمەن قامتاماسىز ەتۋ ءۇشىن قايتا وڭدەۋ كاسىپورىندارىنا وتكىزۋدى جوسپارلاپ وتىر.

جازعى كەزەڭدە قانت نارىعىنداعى قالىپتاسىپ وتىرعان جاعدايدى ەسكەرە وتىرىپ، ازىق-ت ۇلىك كەلىسىم شارت كورپوراتسياسى 10 مىڭ توننا كولەمدە قانت قورىن قالىپتاستىردى، ولار دا ىشكى نارىققا باعىتتالاتىن بولادى.

قولدا بار قورلار تۋرالى اقپارات وبلىستاردىڭ جانە رەسپۋبليكالىق ماڭىزى بار قالالاردىڭ اكىمدىكتەرىنە، الەۋمەتتىك-كاسىپكەرلىك كورپوراتسيالارعا جانە قازاقستاننىڭ كوتەرمە-بولشەك ساۋدا جەلىلەرىنە ۇنەمى جەتكىزىلىپ وتىرادى.

سوڭعى جاڭالىقتار

ەرتەڭىن ويلاعان ەكپە الادى

كوروناۆيرۋس • بۇگىن، 16:53

ۇقساس جاڭالىقتار