ء«بىزدىڭ ەڭ باستى قۇندىلىعىمىز – احمەت ياساۋي كەسەنەسى. سونىڭ توڭىرەگىندە رۋحاني مادەني ورتالىق قۇرىلدى. سونداي-اق جاڭا قالىپتاسىپ كەلە جاتقان جاڭا اكىمشىلىك ورتالىق سالىندى. ءۇشىنشىسى – ەسكى قالانى قايتا جاڭعىرتۋ ماسەلەسى, ءتورتىنشى باعىت – قالانىڭ توڭىرەگىندەگى كليماتقا, ەكولوگياعا بايلانىستى جوبالار. اتاپ ايتقاندا, ازىق-ت ۇلىك بەلدەۋى, جاسىل بەلدەۋ سىندى باعىتتار», دەدى وبلىس اكىمى.
وبلىستا جالپى وڭىرلىك ءونىم 2018 جىلمەن سالىستىرعاندا 41%-عا ارتىپ, 2,4 ترلن تەڭگەنى قۇراعان, ونەركاسىپتىك ءونىم كولەمى 18%-عا, اۋىل شارۋاشىلىعى ءونىمى 34%-عا نەمەسە 185,4 ملرد تەڭگەگە ارتقان. سوڭعى 3 جىلدا نەگىزگى كاپيتالعا باعىتتالعان ينۆەستيتسيالار كولەمى 1,6 ترلن تەڭگە بولىپ, ونىڭ ىشىندە جەكە ينۆەستيتسيالار كولەمى 968,5 ملرد تەڭگەگە جەتتى. پاندەميا كەزىندە دە باسەڭدەمەگەن قارقىندى قۇرىلىس جۇمىستارىنىڭ ناتيجەسىندە 736 مىڭ شارشى مەتر تۇرعىن ءۇي پايدالانۋعا بەرىلدى. جالپى وڭىرلىك ونىمدەگى شاعىن جانە ورتا بيزنەستىڭ ۇلەسى 21%-عا دەيىن جەتىپ, وبلىس بيۋدجەتىنىڭ كولەمى 1,6 ەسە ارتتى, ياعني 893 ملرد تەڭگەنى قۇرادى. بيىلدىڭ 5 ايىندا اتقارىلعان وبلىستىڭ ماڭىزدى الەۋمەتتىك-ەكونوميكالىق دامۋ كورسەتكىشتەرىنە توقتالعان ومىرزاق شوكەەۆ ونەركاسىپ ءونىمىنىڭ كولەمى 238,2 ملرد تەڭگە بولىپ, وتكەن جىلدىڭ ءتيىستى كەزەڭىمەن سالىستىرعاندا 29,8 ملرد تەڭگەگە ارتقانىن اتاپ ءوتتى. وڭدەۋ ونەركاسىبىندە 110,9 ملرد تەڭگەنىڭ ءونىمى وندىرىلگەن. ءوڭىردىڭ يندۋستريالىق ايماقتارىندا جالپى قۇنى 41 ملرد تەڭگەنى قۇرايتىن جانە 4 340 جۇمىس ورنىن اشۋعا مۇمكىندىك بەرەتىن 60 جوبا جۇزەگە اسىرىلۋدا. بۇگىندە TURKISTAN ارنايى ەكونوميكالىق ايماعىندا ينۆەستيتسيالىق جالپى قۇنى 480,5 ملرد تەڭگە بولاتىن 46 جوبا ىسكە اسىرىلۋدا. جالپى, بيىل ونەركاسىپ ءونىمى كولەمىن 565 ملرد تەڭگەگە جەتكىزۋ جوسپارلانۋدا. اۋىل شارۋاشىلىعىندا 5 170,3 ملرد تەڭگەنىڭ ءونىمى ءوندىرىلىپ, وتكەن جىلدىڭ سايكەس كەزەڭىمەن سالىستىرعاندا 102,9%-دى قۇراعان. اتالعان سالاعا باعىتتالعان ينۆەستيتسيا 1,9 ەسە ارتقان, ياعني 15,3 ملرد تەڭگە بولعان. قالا اۋماعىندا ازىق-ت ۇلىك بەلدەۋىن قالىپتاستىرۋ اياسىندا قۇنى 35,5 ملرد تەڭگە بولاتىن 6 سەرپىندى ءىرى ينۆەستيتسيالىق جوبالار جۇزەگە اسىرىلۋدا. جىل قورىتىندىسىمەن وبلىسقا 800 ملرد تەڭگەگە ينۆەستيتسيا تارتۋ جوسپارلانۋدا. ءوڭىردىڭ ونەركاسىپتىك الەۋەتىن دامىتۋ ماقساتىندا «ساستوبە» حيميالىق كەشەنى, مۇناي وڭدەۋ زاۋىتى, كومىر-حيميالىق, فوسفور كەندەرىن وڭدەۋ زاۋىتتارى, تۇرمىستىق تەحنيكا ءوندىرىسى سىندى جوبالاردى ىسكە قوسۋ كوزدەلۋدە. ناتيجەسىندە, 5 مىڭنان اسا ادام جۇمىسپەن قامتىلادى.
تۇركىستان قالاسىندا تۋريزم سالاسىن دامىتۋ, ونىڭ الەۋەتىن ارتتىرۋ ءارى تۋريستەرگە تارتىمدى ەتۋ – بۇگىنگى كۇننىڭ باستى تالاپتارىنىڭ ءبىرى. بۇگىندە «كەرۋەن سارايعا» كۇن سايىن مىڭداعان ادام كەلەدى. كەشەن جەرگىلىكتى مىڭ تۇرعىندى تۇراقتى جۇمىسپەن قامتىپ وتىر. تاريحي جانە مادەني مۇراعا باي وڭىردە تۇركىستان, كەنتاۋ قالالارى مەن وتىرار, ورداباسى, بايدىبەك اۋداندارى باعىتىندا تاريحي-تانىمدىق ءتۋريزمى, سارىاعاش كۋرورتى اۋماعىندا ەمدىك-ساۋىقتىرۋ ءتۋريزمى, تۇلكىباس, تولەبي, قازىعۇرت اۋداندارىندا ەكولوگيالىق تۋريزم تۇرلەرى قارقىندى دامىپ كەلەدى. سونىڭ ءبىرى رەتىندە ءتۋريزمدى دامىتۋداعى الار ورنى ەرەكشە «قاسقاسۋ تۋريستىك-رەكرەاتسيالىق كەشەنى» جوباسى ىسكە اسىرىلماق.
«جوبانى جۇزەگە اسىرۋ ماسەلەسىن 12 جىل بۇرىن قايتا كوتەرگەن بولاتىنبىز. قازىر تاعى ورالدىق. بۇگىندە ءوز قارجىسىنا سالاتىن ينۆەستور تابىلدى, ال ءبىز ينفراقۇرىلىمدى جەتكىزىپ بەرۋىمىز قاجەت. ياعني «قاسقاسۋ تۋريستىك-رەكرەاتسيالىق كەشەنى» جوباسى تاياۋ ارادا ۇكىمەتتە تالقىلانىپ, شەشىلەتىن بولادى», دەدى ءو.شوكەەۆ.
سونداي-اق 2025 جىلعا دەيىن تۇركىستان – شىمكەنت – تاشكەنت اراسىندا جوعارى جىلدامدىقتى تەمىرجول جوباسىن ىسكە اسىرۋ جوسپارلانۋدا. بۇل جوبانى ىسكە اسىرۋ ەكى ەل اراسىنداعى ەكونوميكالىق ىنتىماقتاستىق پەن ءتۋريزمدى دامىتۋعا وڭ اسەر بەرەدى. وبلىس اكىمىنىڭ ەسەبىنشە, 2025 جىلى تۋريستەر اعىنى مەن كەلۋشىلەر سانىن 2 ملن ادامعا دەيىن ارتتىرۋ كوزدەلۋدە.
وبلىس اكىمى جاڭا قۇرىلعان ساۋران اۋدانى مەن كەنتاۋ قالاسىنىڭ ەرتەڭىنە قاتىستى اقپارات بەردى. كەنتاۋدا جىلۋ ماسەلەسى وزەكتى. بۇل ورايدا كوگىلدىر وتىن پايدالانىلىپ, ءار ۇيگە جىلۋ بەرۋ كوزدەرىن ورناتۋ جولى قاراستىرىلۋدا. ءباسپاسوز ءماسليحاتىندا باعىس اۋىلىنا قاتىستى ماسەلەنىڭ شەشىمىن تاپقانى دا ايتىلدى. «ەكى مەملەكەتتىڭ اراسىنداعى شەكارانى انىقتاۋدا بىرنەشە پروتسەدۋرا جۇزەگە اسىرىلادى. كەزىندە دەماركاتسيا ءوتتى, بىراق دەليميتاتسيا تولىق اياقتالماعان. وسىعان قاراماستان بيىل مەملەكەت باسشىسىنىڭ تاپسىرماسىمەن ۇكىمەت, سىرتقى ىستەر مينيسترلىگى, وبلىستىق اكىمشىلىك, بارلىعى بىرىگىپ ۇلكەن كەشەندى جۇمىس اتقاردى. ناتيجەسىندە, بۇرىنعى شەشىلمەي تۇرعان 740 گەكتار جەر وبلىس اۋماعىنا قوسىلدى», دەدى وبلىس اكىمى.
تۇركىستان وبلىسى
