قازاقستان • 19 ماۋسىم، 2021

پاۆلودار وبلىسىندا سۋارمالى جەرلەر 3000 گەكتارعا دەيىن ۇلعايادى

13 رەت كورسەتىلدى

بۇل تۋرالى «قازسۋشار» رمك وكىلدەرى اتالعان وبلىستا باق وكىلدەرىنە ارنالعان پرەسس-تۋردا ايتتى، دەپ جازادى Egemen.kz.

پاۆلولار وبلىسىندا ەگىستىك القابىنىڭ جالپى كولەمى 58 مىڭ گا قۇرايدى. ايماقتا اگروونەركاسىپتى دامىتۋعا ارنالعان كەشەندى جوسپار بار. بۇگىن جەلەزين اۋدانىنداعى ءبىر ينۆەست جوبا اياقتالدى. ناتيجەسىندە كەلەسى جىلى القاپ كولەمى 3 مىڭ گەكتارعا ارتپاق.

ء«بىز قازىر وسى نىساندى تاجىريبە جۇزىندە ىسكە قوستىق. وزدەرىڭىز بىلەتىندەي، جەلەزين اۋدانىنداعى جالعىز شارۋاقوجالىق بار. سول «سامۇرىق ي ك» جشس-عا سۋ جەتكىزىپ بەرەمىز. ياعني، ەگىستىك القابىنا دەيىن. وسى سۋارمالى سۋدى جەتكىزۋ ارقىلى، 732 گا القاپ سۋارىلادى. سول نىساننىڭ قۇرىلىسىن بىلتىر باستاپ، اياقتاپ بەردىك»، دەدى «قازسۋشار» رمك پاۆلودار وبلىستىق فيليالىنىڭ ديرەكتورى جۇماگەلدى قوجانوۆ. 

عۇمىرىنىڭ شيرەك عاسىرىن اۋىلشارۋاشىلىق سالاسىنا ارناعان قۋات انافەن ءۇشىن بۇگىنگى كۇن ادەتتەگىدەن وزگەشە. ويتكەنى، كەلەر جىلعا 732 گا ەگىستىك القابى دايىن. «قازسۋشار» مەكەمەسى ەگىستىككە دەيىن سۋ بەرەدى. جەكە كاسىپكەر ءارى قاراي القاپتى جاڭبىرلاتىپ سۋارۋ ادىسىمەن داقىلدارىن سۋارادى. بۇگىندە كاسىپكەر بيزنەسى ءۇشىن سۋبسيديا العان. القاپقا مايلى ءداندى-داقىلداردى، مال ءۇشىن جەم-ءشوپتى، كارتوپ ەگۋدى جوسپارلاپ وتىر. 

ء«بىز قۋانىشتىمىز، ويتكەنى بۇگىن كوپتەن كۇتكەن كۇن! قازسۋشارلىقتار نىساندى ۋاقىتىندا ءبىتىرىپ، 2022 جىلى ىسكە قوسپاق. مەن داقىل ەگەتىن القاپقا دەيىن سۋ جەتكىزىپ بەردى. قازىر كەلەسى جىلعا دايىندىق جۇمىستارى ءجۇرىپ جاتىر. اۋداننىڭ 50 حالقىن جۇمىسپەن قامتيمىز دەگەن ويدامىز»، دەدى «سامۇرىق ي ك» جشس-ءنىڭ ديرەكتورى قۋات انافەن. 

پايدالانۋعا بەرىلەتىن نىسان 4 سۋ سورعىش ستانتسيامەن جۇمىس ىستەيدى. ءبىر سۋ سورعىش ساعاتىنا 400 تەكشە مەتر سۋدى ەرتىس وزەنىنەن الۋعا قاۋقارلى. ماۋسىمىنا 2 ملن 900 تەكشە مەتر سۋ الۋعا مۇمكىندىك بەرەدى. جالپى وبلىستى وسى تەكتەس 3 ينۆەست جوبا جۇزەگە اسىرىلۋدا. سولار ارقىلى ايماقتىڭ ەگىستىك القابىن كەڭەيتۋ جوسپاردا بار. وسىلايشا، مەملەكەت باسشىسىنىڭ 2030 جىلعا دەيىن رەسپۋبليكا بويىنشا ەگىستىك القابىن 3 ملن گەكتارعا دەيىن ۇلعايتۋ تاپسىرماسىنا  ۇلەس قوسادى.

سوڭعى جاڭالىقتار

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار