ايماقتار • 18 ماۋسىم، 2021

بيىل ت.رىسقۇلوۆ اۋدانىندا 10 اۋىلعا گاز، 3 اۋىلعا سۋ كىرەدى

29 رەت كورسەتىلدى

بۇگىن وڭىرلىك كوممۋنيكاتسيالار قىزمەتىنىڭ الاڭىندا جامبىل وبلىسى، ت.رىسقۇلوۆ اۋدانىنىڭ اكىمى ەربولات سادىرقۇلوۆ بريفينگ بەرىپ، بيىل 10 اۋىل گازدانىپ، 3 اۋىلعا سۋ تولىق تارتىلاتىنىن ايتتى، دەپ حابارلايدى Egemen.kz.

اكىمنىڭ ايتۋىنشا، اۋداندا 42 ەلدىمەكەن بار. ونىڭ ىشىندە وتكەن جىلى 26 اۋىلدا ورتالىقتاندىرىلعان اۋىز سۋ جۇيەسى بولعان. ال، اۋىز سۋ جۇيەسى جوق 16 ەلدى مەكەننىڭ ءابجاپار، جارلىسۋ، بايتەلى، تاسشولاق سياقتى ەلدىمەكەندەرىنە وتكەن جىلى جاڭا اۋىز سۋ جۇيەسى جۇرگىزىلىپ، پايدالانۋعا بەرىلگەن. سوندا قازىر اۋداندا 30 ەلدىمەكەندە بۇل ماسەلە وڭ شەشىمىن تاپقان.

 «اۋىز سۋ جۇيەسى ەسكىرگەن 9 ەلدىمەكەننىڭ 3-ەۋىنە، ياعني قۇمارىق، قاراكەمەر جانە العاباسقا بىلتىر جاڭادان اۋىز سۋ جۇيەسىنىڭ قۇرىلىسى باستالدى. جوبا 2021 جىلعا وتپەلى، ياعني بيىل پايدالانۋعا بەرەمىز. ال، اۋدانداعى 42 ەلدىمەكەننىڭ 24-ءىنە تولىق گاز تارتىلعان. بيىل گاز كىرمەگەن 18 اۋىلدىڭ ىشىندەگى 10 اۋىلعا گاز تارتۋ جۇمىستارى جۇرگىزىلەتىن بولادى. شولاق-قايىڭدى اۋىلىنىڭ جوباسى مەملەكەتتىك ساراپتامادا. وسى جۇمىستاردىڭ ناتيجەسىندە گازداندىرۋ ماسەلەسى اۋدان كولەمىندە 100 پايىزعا شەشىلەدى»، دەدى ەربولات سادىرقۇلوۆ. اۋدان اكىمى قالعان 7 ەلدىمەكەننىڭ دە ماسەلەسىن ايتىپ ءوتتى. اتاپ ايتقاندا، مامىرتوبە، اققاينار، تويقۇدىق، سۇمقايتى جانە قوساپان اۋىلدارى مەن قۇمارىق رازەزى، قوراعاتى ستانتسياسى حالىق سانىنىڭ ءتيىستى نورمادان از، ياعني 50 ادامنان تومەن بولۋىنا بايلانىستى ەكونوميكالىق تۇرعىدا ءتيىمسىز دەپ تانىلعانىن جەتكىزدى.

اكىم جىل باستالعالى 5 ايدا اۋدان ەكونوميكاسىنىڭ ءوسىمى 101،5 پايىزدى قۇراپ، وتكەن جىلمەن سالىستىرعاندا 1،5 پايىزعا وسكەنىن دە ايتتى. جىل سوڭىنا دەيىن بۇل ءوسىم 104 پايىزعا دەيىن جوسپارلانعان. اۋدان بيۋدجەتى كىرىسىنىڭ جىلدىق جوسپارى 18،6 ميلليارد تەڭگەنى قۇراسا، ونىڭ ىشىندە 5 ايدىڭ جوسپارى 6،4 ميلليارد تەڭگە بولعان. ناقتى 6،9 ميلليارد تەڭگەنى قۇراپ، 500 ميلليون تەڭگەگە ارتىعىمەن ورىندالعان. ال، اۋىل شارۋاشىلىعى سالاسىنداعى جالپى وندىرىلگەن ءونىم كولەمى 4،9 ميلليارد تەڭگەنى قۇراپ، 2020 جىلمەن سالىستىرعاندا 200 ميلليون تەڭگەگە ارتقان. سونىمەن قاتار، جالپى اۋداندا 146،6 مىڭ گەكتار ەگىستىك جەر تولىق يگەرىلگەن. ونىڭ ىشىندە باسىم بولىگىنە، ياعني 61،3 مىڭ گەكتارىنا كۇزدىك بيداي، 58،7 مىڭ گەكتارىنا جازدىق ارپا سەبىلگەن. اۋداننىڭ جالپى جەر كولەمى 908 مىڭ 691 گەكتار. ونىڭ ىشىندە اۋىل شارۋاشىلىعى ماقساتىنداعى جەردىڭ ۇلەسى 740 676 گەكتاردى قۇرايدى. سونداي-اق، اۋدان اكىمى بۇگىندە اۋداندا تۇرعىن ءۇي كەزەگىندە بارلىعى 1145 ادام تىركەلگەءنىن، تۇرعىنداردى كەزەڭ-كەزەڭىمەن تۇرعىن ۇيمەن قامتاماسىز ەتۋ ماقساتىندا «نۇرلى جەر» مەملەكەتتىك باعدارلاماسى اياسىندا قۇلان اۋىلى «اراي» تۇرعىن القابىنان 80 پاتەرلىك 5 قاباتتى 2 ءۇيدىڭ قۇرىلىسى ءجۇرگىزىلىپ جاتقانىن دا ايتتى. «ءبىرىنشى ءۇيدىڭ قۇرىلىس جۇمىستارى بىلتىر باستالعان، بيىل پايدالانۋعا بەرىلەدى. ەكىنشى ءۇيدىڭ قۇرىلىسى بيىل باستالدى. قالعان ەكى كوپقاباتتى ءۇيدىڭ قۇرىلىسى جوبامەن 2023-2024 جىلدارى بەرىلمەك»، دەدى ەربولات سادىرقۇلوۆ.

سوڭعى جاڭالىقتار

ۇقساس جاڭالىقتار