ANTIKOR • 18 ماۋسىم، 2021

ماڭعىستاۋدىڭ سپورت باسقارماسىندا كومپلاەنس قىزمەتى ەنگىزىلدى

7 رەت كورسەتىلدى

سىبايلاس جەمقورلىق دەرەكتەرىن الدىن الۋ جانە بولدىرماۋ ماقساتىندا ماڭعىستاۋ وبلىستىق دەنە شىنىقتىرۋ ءجانە سپورت باسقارماسىندا كومپلاەنس قىزمەتى ەنگىزىلدى، دەپ حابارلايدى Egemen.kz.

بۇل تۋرالى «Antikor» ورتالىعىندا وتكەن ەفيردە وبلىستىق دەنە شىنىقتىرۋ جانە سپورت باسقارماسىنىڭ باسشىسى قانات جۇماباەۆ ايتتى.  

ەندى كومپلاەنس قىزمەتىنىڭ شەڭبەرىندە باسقارمادا سىبايلاس جەمقورلىق دەرەكتەرىن بولدىرماۋ شارالارى تۇراقتى جۇرگىزىلەدى. ودان بولەك، دەنە شىنىقتىرۋ جانە سپورت باسقارماسىنا باعىنىستى مەكەمەلەرگە سىبايلاس جەمقورلىققا قارسى ءىس-قيمىل شارالارى اياسىندا سەمينار، ترەنينگتەر وتەدى.

«بۇدان بولەك، باسقارمانىڭ الدىندا 2021 جىلى وبلىستا سپورتپەن شۇعىلدانۋشىلار سانىن 35،4%-عا جەتكىزۋ مەجەسى تۇر. سونداي-اق ەل پرەزيدەنتى قاسىم-جومارت كەمەل ۇلىنىڭ تاپسىرماسىنا سايكەس، ماڭعىستاۋدا جىل سوڭىنا دەيىن 30 سپورت تۇرىنەن 60 سەكتسيا اشىلادى.

مەملەكەت باسشىسى وتكەن جىلعى جولداۋىندا بۇقارالىق سپورتقا، دەنە تاربيەسىنە جانە بالالارعا باسىمدىق بەرۋ كەرەگىن، سونىمەن قوسا، ءار وبلىستا، ءىرى اۋدان ورتالىقتارىندا سپورت ۇيىرمەلەرىن اشۋ قاجەتتىگىن ايتقان بولاتىن. وسىعان سايكەس، وبلىس اكىمىنىڭ باقىلاۋىمەن جارتى جىل ىشىندە ماڭعىستاۋدا 17 سپورت تۇرىنەن 39 ۇيىرمە اشىلدى. ۇيىرمەلەرگە قازىرگى تاڭدا 2 893 بالا قاتىسىپ جاتىر»، دەدى قانات قوشقارباي ۇلى.

قانات جۇماباەۆ ەل تاۋەلسىزدىگىنىڭ 30 جىلدىعى قارساڭىندا وبلىستا 24 سپورتتىق شارا وتكىزۋ جوسپارلانعانىن دا اتاپ ءوتتى.

سوڭعى جاڭالىقتار

ۇقساس جاڭالىقتار