بۇگىنگى سوت وتىرىسىندا وسى ماسەلەگە قاتىستى كۋاگەرلەر ءسوز الدى. ءمالىم بولعانداي ب.ءشارىپ 2006 جىلى شىمكەنت قالاسىنداعى قارۋ-جاراق ساتاتىن دۇكەننەن تراۆماتيكالىق تاپانشا ساتىپ العان.
وق-ءدارى مەن قارۋ ساتاتىن مەكەمە وكىلدەرىنىڭ ايتۋىنشا, ول كەزدە تراۆماتيكالىق قارۋ ەركىن ساۋدالاناتىن. سودان كەيىن ونىڭ ساۋداسى مەن اينالىمىنا قاتىستى زاڭ ەكى مارتە وزگەرگەن. وسى رەتتە قورعاۋشى تاراپ سۋديادان ىشكى ىستەر مينيسترلىگىنىڭ وكىلىن شاقىرىپ, قوسىمشا تۇسىنىكتەمە الۋعا رۇقسات بەرۋدى سۇرادى.
ماسەلەنىڭ ءمان-جايىن تەرەڭىرەك تۇسىنۋگە قاجەت دەپ ساناعان سۋديا بۇل ءوتىنىشتى قاناعاتتاندىردى. سونداي-اق, سوتتا بەلگىلى بولعانداي تەرگەۋگە قازاقستاننىڭ اقش-تاعى ەلشىسى ەرجان اشىقباەۆ پەن بۇرىنعى دەنساۋلىق ساقتاۋ ءمينيسترى ەلجان ءبىرتانوۆ تا قاتىسۋى ءتيىس.
