«ەكولوگيالىق احۋالعا بايلانىستى جاعداي بارىنشا وزەكتى بولىپ قالۋدا. وبلىستا شەشىم تالاپ ەتەتىن بىرقاتار ەكولوگيالىق ماسەلەلەر بار ەكەنى وزدەرىڭىزگە بەلگىلى. جاعدايدى جاقسارتۋ ءۇشىن, وبلىس اكىمدىگى سالالىق مينيسترلىكتەرمەن بىرلەسىپ, ءوڭىردىڭ ەكولوگيالىق ماسەلەسىن 2024 جىلعا دەيىن كەشەندى شەشۋدىڭ جول كارتاسىن ازىرلەپ بەكىتتى», دەدى ە. مارجىقپاەۆ ورتالىق كوممۋنيكاتسيالار قىزمەتىندە.
ونىڭ ايتۋىنشا, بۇل قۇجاتتا اتموسفەراعا زياندى شىعارىلاتىن زاتتاردى تازالاۋ جانە تومەندەتۋ بويىنشا قازىرگى زامانعى تەحنولوگيالاردى ەنگىزۋ, گازيفيكاتسيالاۋ, قاتتى-تۇرمىستىق قالدىقتاردىڭ 7 جاڭا پوليگونىن سالۋ, ششۋچينسك-بۋراباي كۋرورتتىق ايماعىنىڭ كولدەرىن تازالاۋ, 5 ەلەكترستانتسيا سالۋ جانە تاعى باسقا دا جوبالار قاراستىرىلدى.
وسى ورايدا قاتتى-تۇرمىستىق قالدىقتاردىڭ جەتى جاڭا پوليگونى ششۋچينسك, اقكول قالالارىندا, قورعالجىن مەن ارشالىدا, قوسشىدا, كوياندى مەن زەرەندىدە ورنالاسادى. سونىمەن قاتار كوكشەتاۋ قالاسىندا قوقىستى سۇرىپتاۋمەن تۇرمىستىق قالدىقتاردىڭ جاڭا پوليگونىن سالۋ بويىنشا جاڭا جوبا ازىرلەندى. قازىرگى كەزدە ونى راسىمدەۋ جۇمىسى اتقارىلىپ جاتىر.
