پارلامەنت • 18 ماۋسىم، 2021

پارلامەنت سەناتىندا وتكەن دوڭگەلەك ۇستەلدە ومبۋدسمەن ينستيتۋتىنىڭ پروبلەمالارى مەن دامۋ كەلەشەگى تالقىلاندى

14 رەت كورسەتىلدى

2021 جىلعى 18 ماۋسىمدا قر پارلامەنتى سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتى «قازاقستانداعى ومبۋدسمەن ينستيتۋتى: پروبلەمالارى مەن پەرسپەكتيۆالارى» تاقىرىبىنا ارنالعان دوڭگەلەك ۇستەل وتكىزدى، دەپ حابارلايدى Egemen.kz.

شاراعا سەنات پەن ءماجىلىس دەپۋتاتتارى، مەملەكەتتىك ورگانداردىڭ، ۇلتتىق قۇقىق قورعاۋ ينستيتۋتتارىنىڭ، حالىقارالىق ۇيىمداردىڭ، عىلىمي قاۋىمداستىق پەن ازاماتتىق سەكتوردىڭ وكىلدەرى قاتىستى.

دوڭگەلەك ۇستەل بارىسىندا قر پرەزيدەنتى قاسىم-جومارت توقاەۆتىڭ باستاماسى بويىنشا قر ادام قۇقىقتارى جونىندەگى ۋاكىل تۋرالى ارنايى زاڭ قابىلداۋ ارقىلى قۇقىق قورعاۋ سالاسىن جەتىلدىرۋ ماسەلەلەرى تالقىلاندى.

قر پارلامەنتى سەناتى توراعاسىنىڭ ورىنباسارى اسقار شاكىروۆ وتىرىستى اشا كەلىپ، زاڭ جوباسىن ازىرلەۋشىلەر ءوز جۇمىسىندا حالىقارالىق وڭ تاجىريبەنى جانە بارشاعا مويىندالعان ستاندارتتاردى، اتاپ ايتقاندا پاريج جانە ۆەنەتسييا قاعيداتتارىن باسشىلىققا العانىن اتاپ ءوتتى. ومبۋدسمەنگە اۋقىمدى وكىلەتتىكتەر مەن ارتىقشىلىقتار بەرءىلۋى سونىمەن بىرگە مەدياتوردىڭ قوعام مەن بيلىك اراسىنداعى ادام قۇقىقتارىنا قاتىستى جاعدايدى ءادىل جانە كاسىبي باعالاۋعا قابىلەتتى ورىنعا يە بولۋىن كوزدەيدى. «بۇل زاڭنىڭ قابىلدانۋىن ەلءىمىزدە جۇرگىزىلىپ جاتقان ساياسي جاڭعىرتۋ مەن ليبەرالدىق باعىت تۇرعىسىنان قاراعان ءجون. جاقىندا مەملەكەت باسشىسى شىعارعان «ادام قۇقىقتارى سالاسىنداعى ودان ارعى شارالار تۋرالى» جارلىق وسى سالانىڭ مەملەكەت ءۇشىن باسىمدىعىن كورسەتەدى»، دەپ اتاپ ءوتتى سەنات توراعاسىنىڭ ورىنباسارى.

نەگىزگى بايانداما جاساعان سەناتور قايرات قوجامجاروۆ قاتىسۋشىلاردى زاڭ جوباسىنىڭ نەگىزگى ەرەجەلەرىمەن تانىستىردى. اتاپ ايتقاندا، ومبۋدسمەننىڭ مارتەبەسىن نىعايتۋ، ونىڭ تاۋەلسىزدىگىنە كەپىلدىك بەرۋ، شاعىمداردى قاراۋ كەزىندەگى ونىڭ وكىلەتتىكتەرىن كەڭەيتۋ، سونداي-اق ينستيتۋتتىڭ قارجىلىق دەربەستىگىن قامتاماسىز ەتۋ اتاپ ءوتىلدى. ق.قوجامجاروۆتىڭ پىكىرىنشە، «جالپى، زاڭ جوباسى قازاقستان رەسپۋبليكاسىنداعى ادام قۇقىقتارى جونىندەگى ۋاكىل ينستيتۋتىنىڭ قۇقىق قورعاۋ فۋنكتسيالارىن كۇشەيتەدى».

جان-جاقتى پىكىر الماسۋ اياسىندا پارلامەنت ارالىق وداقتىڭ ۆيتسە-پرەزيدەنتى اكمال سايدوۆ، قر ادام قۇقىقتارى جونىندەگى ۋاكىل ەلۆيرا ءازىموۆا، قازاقستانداعى ادام قۇقىقتارى جانە زاڭدىلىقتى ساقتاۋ جونىندەگى حالىقارالىق بيۋرونىڭ ديرەكتورى ەۆگەني جوۆتيس، بۇۇ-نىڭ ادام قۇقىقتارى جونىندەگى جوعارعى كوميسسارى باسقارماسىنىڭ ورتالىق ازياداعى وڭىرلىك وكىلى ريشارد كومەندا جانە باسقالار ءسوز سويلەدى.

حالىقارالىق جانە وتاندىق قۇقىق قورعاۋ قوعامداستىعىنىڭ وكىلدەرى وسى سالاداعى زاڭناما جاڭالىقتارىن جوعارى باعالادى.

بۇل زاڭ جوباسى بۇدان بۇرىن قر ادام قۇقىقتارى جونىندەگى ۋاكىل جانىنداعى ساراپشىلىق كەڭەسءى اياسىندا ساراپتامالىق جانە عىلىمي قوعامداستىققا ۇسىنىلعان بولاتىن، وندا بىرقاتار ۇسىنىستار ايتىلىپ، كەيىننەن زاڭ جوباسىنىڭ ماتىنىندە كورىنىس تاپقتى.

دوڭگەلەك ۇستەلگە توراعالىق ەتكەن حالىقارالىق قاتىناستار، قورعانىس جانە قاۋىپسىزدىك كوميتەتىنىڭ توراعاسى مۇحتار قۇل-مۇحاممەد: «قازىرگى ۋاقىتتا زاڭ جوباسى بويىنشا قۇقىقتىق، لينگۆيستيكالىق جانە سىبايلاس جەمقورلىققا قارسى ساراپتاما الىندى. سونىمەن بىرگە زاڭ جوباسى ۇكىمەتتىڭ قاراۋىنا جىبەرىلىپ، ونى تالقىلاۋ ءۇشىن قر پارلامەنتى سەناتىنىڭ سايتىنا ورنالاستىرىلدى»، دەدى.

سوڭعى جاڭالىقتار

ۇقساس جاڭالىقتار