ماماندىق بويىنشا دايارلىق وقىتۋدىڭ ماڭىزدى كەزەڭدەرىنىڭ ءبىرى سانالادى. بۇل وقۋ مەرزىمدى قىزمەتتەگى اسكەري قىزمەتشى مەن ءبىلىمى, داعدىسى مەن ەپتىلىگى بار كەلىسىمشارت قىزمەتىندەگى اسكەريلەردىڭ اتقاراتىن لاۋازىمى بويىنشا ءبىلىمىن شىڭداپ, داعدىلارىن جەتىلدىرۋگە باعىتتالعان. ول ءبىر اي كولەمىندە كومانديرلەر مەن سەرجانتتاردىڭ باسشىلىعىمەن شتاتتىق-لاۋازىمىنا سايكەس اسكەري بولىمشەلەردە وتكىزىلەدى.
قورعانىس ۆەدومستۆوسىنىڭ باسشىلىعى اسكەري قىزمەتشىلەردىڭ ساباققا قاتىسۋىن تولىق قامتۋدى جانە ساپالى وتكىزۋدى تاپسىردى.
جەكە قۇرام اتقاراتىن قىزمەتىنە ساي فۋنكتسيونالدىق مىندەتتەرىن, شتاتتىق قارۋ-جاراق پەن اسكەري تەحنيكانىڭ ماتەريالدىق ءبولىمىن, ولاردى پايدالانۋ, اتىس قارۋى مەن جاۋىنگەرلىك تەحنيكانىڭ تاكتيكالىق-تەحنيكالىق مىنەزدەمەسىن, اتۋ ەرەجەسى مەن جاۋىنگەرلىك ماشينانى جۇرگىزۋ جانە تاعى دا باسقالاردى مەڭگەرەدى.
وقۋ سىنىپتارىندا, سونىمەن قاتار وقۋ-جاتتىعۋ پوليگوندارىندا جاتتىعۋ قۇرىلعىلارىن قولدانا وتىرىپ, وتكىزىلەتىن پراكتيكالىق ساباقتارعا ءجىتى نازار اۋدارىلادى.
ماماندىق بويىنشا دايارلىق اعىمداعى جىلدىڭ 2 شىلدەسىندە اياقتالادى. جەكە قۇرامنىڭ وقۋ ماتەريالىن مەڭگەرۋ دەڭگەيىن انىقتاۋ ءۇشىن نەگىزگى پاندەردەن قورىتىندى ساباقتار وتەدى.
