الەم • 18 ماۋسىم، 2021

بايدەن قۇلدىقتى جويۋ كۇنىن فەدەرالدى مەرەكەگە اينالدىردى

18 رەت كورسەتىلدى

اقش پرەزيدەنتى دجو بايدەن ەلدەگى قۇلدىقتى جويۋ كۇنىن فەدەرالدى مەرەكە دەپ تانۋ تۋرالى جارلىققا قول قويدى، دەپ حابارلايدى Egemen.kz.

سالتاناتتى مەرەكە ماۋسىمنىڭ 19 كۇنى اتاپ ءوتىلىپ، رەسمي تۇردە دەمالىس بولىپ جاريالاندى. اق ۇيدەگى ءراسىمنىڭ تىكەلەي ەفيرىن امەريكاندىق تەلەارنالار جۇرگىزدى.

«بۇگىنگى كۇندى فەدەرالدى مەرەكە دەپ جاريالايمىز. ءبىز دەموكراتتار مەن رەسپۋبليكاشىلدار رەتىندە كونگرەستە ەكى جاقتى قولداۋمەن وسى كۇندى ەسكە الۋ ءۇشىن بىرگە كۇش جۇمساعانىمىزعا وتە قۋانىشتىمىن. بۇل بارشا امەريكاندىقتاردىڭ ءوزارا بىرىگۋ جولىنداعى باستاۋى دەپ ۇمىتتەنەمىن»، دەدى بايدەن.

ساياساتكەر « ۇلى حالىقتار وزدەرىنىڭ ەڭ اۋىر ساتتەرىن ەلەمەيتىنىن» اتاپ ءوتتى.

وسى جىلدىڭ 19 ماۋسىمى سەنبىگە تۇسەتىندىكتەن، اقش-تاعى دەمالىس 18 ماۋسىمعا اۋىستىرىلدى.

جاڭا مەرەكە ۇلتتىق تاۋەلسىزدىك كۇنى (National Independence Day) دەپ اتالادى. اقش-تا 4 شىلدەدە اتاپ وتىلەتىن تاۋەلسىزدىك كۇنى دە بار. بۇل 1776 جىلى اقش-تىڭ ۇلىبريتانيادان تاۋەلسىزدىك دەكلاراتسياسىن قابىلداعان كۇنى.

بوتاگوز امالبەك


سوڭعى جاڭالىقتار

ۇقساس جاڭالىقتار