ناقتىراق ايتساق, 15 ماۋسىم كۇنى نۇر-سۇلتان قالاسى اكىمدىگىنىڭ مۋزىكالىق جاس كورەرمەن تەاترىنىڭ ارتىستەرى مەن اكىمشىلىك بولىمىنەن بارلىعى 32 ادام كوروناۆيرۋسقا قارسى ەكپە ەكتىردى. ولار ءوزارا تاڭداۋ جاساپ, رەسەيلىك سپۋتنيك V جانە قىتاي تەحنولوگياسى بويىنشا وندىرىلگەن اراب ەلىنىڭ Hayat Vax ۆاكتسيناسىن, سونىمەن قاتار قازاقستاندىق ءونىم QazVac ۆاكتسيناسىن دا سالدىردى.
مۋزىكالىق جاس كورەرمەن تەاترىنىڭ اكتەرلەرى اسىلحان تولەپوۆ, ەرماحان ايماحان وسىدان بىرنەشە اي بۇرىن سپۋتنيك V ۆاكتسيناسىنىڭ ءبىرىنشى كەزەڭىن العان بولاتىن. ولاردىڭ پىكىرىنشە, جاپپاي ۆاكتسينالاۋ ارقىلى ۇجىمدىق يممۋنيتەت قالىپتاسقاندا عانا پاندەميانى جەڭەمىز.
ونەر يەلەرى ۆاكتسينادان كەيىن وزدەرىن جاقسى سەزىنەتىندەرىن ايتتى. ەسكە سالا كەتەيىك, تۇرعىندار ۆاكتسينانى كەز كەلگەن پۋنكتتەن الا الادى. قالا بويىنشا 211 ەكپە پۋنكتى بار. ولار ەمحانالاردا, ساۋدا ورتالىقتارىندا, بازارلاردا, مەكتەپتەردە, مادەنيەت نىساندارىندا ورنالاسقان جانە كۇن سايىن دەمالىسسىز تاڭعى 8-دەن كەشكى 20.00-گە دەيىن جۇمىس ىستەيدى.
