العاش رەت بايراعىن 1994 جىلى كوتەرگەن بارشا باق وكىلدەرىنىڭ تاعاتسىزدانا كۇتەتىن دوپ دوداسىنا اينالدى. الايدا, كارانتيندىك شەكتەۋلەرگە بايلانىستى ءداستۇرلى تۋرنير ۇيىمداستىرىلماي قالعان بولاتىن.
وسى ورايدا سەيداحمەت بەردىقۇلدىڭ رۋحىن ارداقتاۋ جانە وتاندىق باق وكىلدەرىنىڭ باسىن قوسىپ, ءوزارا ىنتىماقتاستىقتى ارتتىرۋ ماقساتىندا قر اقپارات جانە قوعامدىق دامۋ مينيسترلىگى ءتۋرنيردى «BAQ liga» قوعامدىق قورىمەن قايتا جانداندىرىپ وتىر.
تۋرنير 27 ماۋسىمدا باق قىزمەتكەرلەرى كۇنى قارساڭىندا نۇر-سۇلتان قالاسىندا وتەدى. قر اقپارات جانە قوعامدىق دامۋ ءمينيسترى ا.ع. بالاەۆا «دەنە شىنىقتىرۋ ءار ادامنىڭ ومىرىندە ماڭىزدى ءرول اتقارادى جانە باق قىزمەتكەرلەرى دە ەرەكشەلىك ەمەس. اتالعان شارامەن ءبىز اقپارات سالاسىنىڭ دامۋىنا ۇلكەن ۇلەسىن قوسقان بەلگىلى ارىپتەستەرىمىزگە قۇرمەت كورسەتەمىز. سونداي-اق, ول وسكەلەڭ ۇرپاق ءۇشىن ۇلگى بولادى دەپ سەنەمىن» دەپ وتىرىپ, رەسپۋبليكالىق جانە وڭىرلىك باق-تاردى تۋرنيرگە بەلسەندى قاتىسۋعا شاقىرادى.
ايتا كەتەيىك, سەيداحمەت بەردىقۇل (1933-1994) – الماتى وبلىسى, جامبىل اۋدانىنداداعى قاراكاستەك قىستاعىندا دۇنيەگە كەلگەن. 1956 جىلى قازمۋ-ءدىڭ جۋرناليستيكا فاكۋلتەتىن بىتىرگەن. 1965-1970 جىلدارى «قازاقستان پيونەرىنىڭ» رەداكتورى, 1970-1986 جىلدارى «لەنينشىل جاس» (قازىرگى «جاس الاش») گازەتىنىڭ رەداكتورى, 1986-1994 جىلدارى «جالىن», «بالاۋسا» باسپالارىنىڭ ديرەكتورى بولدى, قازاق سپورتى جانرىنىڭ نەگىزىن قالادى.
1960 جىلدان باستاپ ادەبي-كوركەم شىعارمالار جازۋمەن اينالىسقان. ورىس تىلىندە «وسترىي كلينوك» جيناعى جارىق كوردى. ءبىرتالاي تۋىندىلارى تۋىسقان حالىقتار تىلىندە اۋدارىلدى. «قۇرمەت بەلگىسى» وردەنىمەن, مەدالدارمەن ماراپاتتالعان. شاعىن فۋتبولدان سەيداحمەت بەردىقۇلدىڭ العاشقى ءتۋرنيرى قالامگەر دۇنيەدەن وتكەننەن كەيىن 1994 جىلى ۇيىمداستىرىلدى. بيىل 23-ءشى رەت بايراعىن جەلبىرەتپەك. تۋرنيرگە قاتىساتىن كوماندالار بىرنەشە توپقا (اربىرىندە 4 كوماندادان) تۇراتىن بولىنەدى. ءار توپتان ەكى ۇزدىك كوماندا كەلەسى كەزەڭگە شىعادى, ءارى قاراي پلەي-وفف باسەكەسىنە ۇلاسادى.
