ەل پرەزيدەنتى قاسىم-جومارت توقاەۆ ءبىر سۇحباتىندا: ء«بىز قازاق ءتىلىن جاقسى بىلەتىن وزگە ۇلت وكىلدەرىن قولداۋىمىز كەرەك. ولاردى پارلامەنتكە, وكىلەتتى ورگاندارعا سايلاپ, مەملەكەتتىك قىزمەت جۇيەسىندەگى جوعارى لاۋازىمدارعا تاعايىنداپ, مەملەكەتتىك ناگرادالارمەن ماراپاتتاپ وتىرعانىمىز دۇرىس. مۇنداي ازاماتتار قازاق ءتىلىنىڭ دەڭگەيىن ۇلتارالىق قولدانىس دارەجەسىنە كوتەرۋگە كومەكتەسەدى», دەگەن بولاتىن.
كەيىنگى ۋاقىتتا وزگە ۇلت وكىلدەرى اراسىندا قازاق ءتىلىن ۇيرەنۋگە دەگەن قۇلشىنىس جىلدان-جىلعا ارتىپ كەلەدى. وعان جىل سايىن ءوتىپ كەلە جاتقان وسى اكتسيا دالەل.
بايقاۋعا ەلىمىزدىڭ 16 وڭىرىنەن قۇرامى 22 ەتنوس وكىلدەرىنەن تۇراتىن 326 ادام قاتىستى. قازىلار القاسىنىڭ ساراپتاۋى ناتيجەسىندە دارىندىلار ماراپاتتالدى. مۇقاعاليدىڭ «تۋعان جەرگە» ولەڭىن مانەرلەپ جاتقا وقىعان الماتى وبلىسى قاراساي اۋدانىنداعى ا.س.پۋشكين اتىنداعى ورتا مەكتەپتىڭ 7-سىنىپ وقۋشىسى لۋيزا شاريپوۆا ەڭ كوپ ءلۇپىل جيناپ (2045), اكتسيانىڭ كوش باسىنان كورىندى. وقۋشىلارمەن قاتار ولاردىڭ قازاق ءتىلى مۇعالىمدەرىنىڭ ەڭبەكتەرى دە ەسكەرىلىپ, ءتىل ساياساتى كوميتەتى توراعاسىنىڭ العىس حاتى تاپسىرىلدى.
