باعدارلامالار • 18 ماۋسىم، 2021

ەل ەرتەڭىنە قامقورلىق كۇشەيەدى

50 رەت كورسەتىلدى

باتىس قازاقستان وبلىسىنداعى Jas Otan جاس­تار قاناتى 2025 جىلعا دەيىنگى اتقاراتىن جۇمىس­تارىنىڭ جوسپارىن بەكىتتى. «جاستار – وتانعا!» دەپ اتالاتىن باعدارلامانى جۇزەگە اسىرۋ ءۇشىن 14 جول كارتاسى ازىرلەنگەن.

 

اتالعان جوبادا ءوڭىر جاس­تارىن قولداۋ جونىندە 2021-2025 جىل­دار­عا ارنالعان كە­­شەندى جوسپار قا­راس­تى­رىل­عان. جالپى سانى 32 ين­دي­كا­تور مەن 43 ءىس-شارا جوسپارى ەن­گىزىلگەن.

جاستاردىڭ ازاماتتىق ­بەل­سەن­دىلىگىن دامىتۋ، ساپالى ءبىلىم بە­رۋ، جۇمىسقا ورنالاستىرۋ، جاس وتبا­س­ىلاردى قولداۋ، قولجەتىمدى باسپانا، تۇلعالىق دامۋ جانە بوس ۋاقىتتى ءتيىمدى وت­كىزۋ سە­كىل­دى نە­­گىز­گى باعىتتار ارقاشان نازار­دا بول­ماق. وسى باعىتتار بو­يىنشا ال­­داعى بەس جىلدا ۆو­لون­تەر­لىك قىز­مەت­پەن اينالىسا­تىن جاس­تاردىڭ سا­نىن 15 مىڭعا دەيىن ۇلعايتۋ جوس­پارلانعان. «بۇل كورسەتكىش وكىلەتتى ور­گاندارداعى جاس­تاردىڭ سانىن 40%-عا دەيىن ارتتىرۋعا مۇمكىندىك بە­رەدى»، دەيدى ءوڭىر باسشىسى عالي ەسقاليەۆ.

سونىمەن قاتار جاستار ارا­سىن­­داعى جۇمىسسىز­دىقتى ازايتۋ ماقساتىندا جانە كا­سىپكەرلىك باس­تامالارىن قول­داۋ بويىنشا جاس­تارعا مەكتەپتە كاسىپكەرلىك نە­گىز­دە­رى وقى­تىلماق. الداعى 5 جىل­دا «جاستار پراكتيكاسى» باع­دارلا­ما­سىمەن 6500 جاس ماماندى دايار­لاۋ جوسپارلانعان. گرانتتىق قارجى­لاندىرۋدى ۇلعايتۋ، مۇددەلى ماسەلە بويىنشا اقپاراتتىق كونسۋلتاتسيا بەرۋ، ستۋدەنتتىك ءوزىن-ءوزى باسقارۋ جۇيەسىن ودان ءارى دامىتۋ، Nەەت ساناتىنداعى جاستارمەن جۇمىس جۇرگىزىپ، «ەڭ ۇزدىك بيز­نەس جوس­پار» جاستار كونكۋرسى ارقىلى 1000 جاستى قامتۋ قاراس­تىرىلىپ وتىر. «ديپلوممەن – اۋىلعا!» باع­­دارلاماسى بويىنشا 615 جاس ما­مان­دى اۋىلدىق جەرگە جۇمىسقا تارتۋ كوزدەلگەن. «جاسىل ەل» باع­دارلاماسى بو­يىنشا جىل سايىن 1175 سارباز ماۋ­سىمدىق جۇمىسقا شى­عادى. ستۋدەنتتەرگە جالپى سا­نى 2 100 ورىندىق 5 جاتاقحانا سا­لىن­باق. «باستاۋ بيزنەس» جوباسىن ىسكە اسىرۋ اياسىندا جىل سايىن 200 ادام­دى وقىتىپ، وڭىردە 5 سپورتتىق-ساۋىقتىرۋ كەشەنىنىڭ قۇ­رىلىسىن جۇرگىزۋ سىندى اۋقىمدى ىستەر جالپى وبلىس­تاعى جاستار اراسىنداعى جۇ­مىسسىزدىق دەڭگەيىن 3،8%-عا تو­مەندەتۋگە مۇمكىندىك بە­رەدى. ال­دا­عى 5 جىلدا اۋ­قىم­دى ىستەر قام­تى­لادى. مۇ­نىڭ بارلىعىنىڭ ناق­تى ءىس جۇ­زىندە جۇزەگە اسىرى­لۋىن Nur Otan پارتياسى باتىس قا­­زاقستان وبلىستىق فيليالى جا­نىنداعى جاستاردى قولداۋ جو­نىندەگى ايماقتىق قوعامدىق كەڭەس قاداعالايتىن بولادى.

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

ۇقساس جاڭالىقتار