پارلامەنت • 18 ماۋسىم، 2021

اۋىلدى كوركەيتۋ – ارىپتەستەرگە ورتاق مىندەت

11 رەت كورسەتىلدى

پارلامەنت سەناتىنىڭ اگرارلىق ماسەلەلەر، تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنە مۇشە دەپۋتاتتار بۇكىلقىتايلىق حالىق وكىلدەرى جينالىسىنىڭ اۋىل شارۋاشىلىعى جونىندەگى كوميسسيا مۇشەلەرىمەن ونلاين كەزدەستى، دەپ حابارلادى قازاقستان سەناتىنىڭ ءباسپاسوز قىزمەتى.

سەناتتاعى سالالىق كوميتەتتىڭ توراعاسى ءالي بەكتاەۆ كەزدەسۋدى اشا كەلىپ، قازاقستان رەسپۋبليكاسى مەن قىتاي حالىق رەسپۋبليكاسى اراسىندا ساياسي، ەكونوميكالىق جانە مادەني تىعىز ىنتىماقتاستىق جۇزەگە اسىپ كەلە جاتقانىن اتاپ ءوتتى. «ەكى ەلدىڭ زاڭ شىعارۋشى ورگاندارى اراسىنداعى تۇراقتى بايلانىستار دوستىق قاتى­ناستاردى نىعايتۋدا ەرەكشە ءرول اتقا­رادى، بۇل پارلامەنتارالىق ىنتى­ماق­تاستىقتى دامىتۋعا، زاڭ شىعارۋ قىز­مەتىندە تاجىريبە الماسۋدى تەرەڭدەتۋگە ءوزارا مۇددەلىلىكتىڭ جوعارى ەكەندىگىن كورسەتەدى»، دەدى ءالي بەكتاەۆ.

دەپۋتات اقىلبەك كۇرىشباەۆ ءوز كەزەگىندە قىتايلىق ارىپتەستەرىنە وڭىرلەردى دامىتۋدىڭ 2020-2025 جىلدارعا ارنال­عان مەملەكەتتىك باعدارلاماسى اياسىندا جۇزەگە اسىپ جاتقان اۋىلدىق اۋماقتاردى دامىتۋ جونىندەگى قازاقستاننىڭ ەسەبى تۋرالى ايتىپ بەردى. ول سونداي-اق اۋىل تۇرعىندارى ءۇشىن ارنايى «ەڭبەك» باعدارلاماسى بار ەكەنى، وندا كاسىپكەرلىك نەگىزدەرىنە تەگىن وقۋعا بولاتىنى، سون­داي-اق ءوز بيزنەسى ءۇشىن گرانتتار مەن ميك­روكرەديتتەر الا الاتىنى تۋرالى حاباردار ەتتى.

سەناتور دۇيسەنعازى مۋسين اۋىل شارۋاشىلىعىنىڭ دامۋى تۋرالى ءسوز قوزعادى. ول اۋىلدىق جەرلەردە حالىقتىڭ شامامەن 42%-ى تۇراتىنىن اتاپ ءوتتى. «اگروونەركاسىپ كەشەنىن دامىتۋدىڭ 2021 جىلعا دەيىنگى مەملەكەتتىك باع­دارلاماسىنىڭ نەگىزگى ماقساتى اوك-تەگى ەڭبەك ونىمدىلىگى مەن وڭدەلگەن اۋىل شارۋاشىلىعى ونىمدەرىنىڭ ەكسپورتىن 5 جىل ىشىندە كەمىندە 2،5 ەسەگە ارتتىرۋ بولىپ تابىلادى»، دەدى دۇيسەنعازى مۋسين.

بۇكىلقىتايلىق حالىق وكىلدەرى جينالىسىنىڭ دەپۋتاتتارى ءوز كەزەگىندە كورشى ەلدەگى اۋىلدى دامىتۋ جانە كەدەيلىكتى جويۋ جونىندە جۇرگىزىلىپ جاتقان جۇمىستار تۋرالى ايتىپ بەردى. ءا.بەكتاەۆ كەزدەسۋدى قورىتىندىلاي كەلىپ، COVID-19 پاندەمياسىنىڭ ەكونوميكالىق زارداپتارىنا، سونداي-اق الەمدىك ەكونوميكاداعى قۇلدىراۋعا قارا­ماستان، ءبىزدىڭ مەملەكەتتەرىمىز جۇ­مىسپەن قامتۋداعى تۇراقتىلىق پەن حالىقتىڭ ءال-اۋقاتىن قامتاماسىز ەتۋ جو­نىندە قابىلداپ جاتقان شارالار جانە باسقا دا قولداۋ كورسەتۋ ىستەرى اۋىل تۇرعىندارىنىڭ ءومىر ءسۇرۋ ساپاسىن ارت­تىرۋعا مۇمكىندىك بەرەتىنىن اتاپ ءوتتى.

 

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار